|
محاوره والرد مفتوح للجميع
اشوف بعض العرب مسكين من علته
لا جيت له ما جمل لا جيت له ما عدل السوق يخطره راع المال والصيرفي والشاري اللي شرا ما سام في شر يته |
الرد مدري بعد تفهمون العلم من عَلَته=ياما نعلّه وراعي المخطية ما عدل لا تغرس اللوز وقت الوسم والصيرفي=ولا تشير الخطل يتلفك من شريته |
طيب يا الواثب
كم واحد(ن) مر من بقعا وهي شلته وتقول ما ابغى يجي للقلب غيرك بدل الجن ربعي وغيرك ماعرف محرفي خلك معي لاتزيد القلب في حيرتــــــه |
صح لسانك وبدنك ياصبي بللسمر قارعة نتمنى لها النجاح موفق يا النشمي
|
الواثب في مدة قصيرة اثبت وجودك يا النشمي الله يوفقك واصل ابداعك
|
صقر الجنوب
بوجودك طال عمرك وتوجيهك نهون المصاعب .. |
تسلم يا شيخ تسلم الرد ترى الهدف يا صبي ينزاح من شَلَته=وانا معي نيمسي من دون وصفك..بدلّ لي رميةً ما يجيها النزف والمحرفي=عرفت خوض البحر وعرفت لبحيرته |
صح لسانك واسمع
المسلم الصادق اللي عارف(ن) ملته يعرف علوم المجوس اللي هواهم جدل الفرق واضح مابين النار والبر فــــــــــي والناس تعرف طريق ابليس ولعانتــــــــــه |
صح بدنك واستلم: الرد:: لي صاحب(ن)واصبح ان الروح قد ملته=انقض حبال الفتن لامن بكفه جدل وفيّت مكيالنا باللوز والبر فَي=والشر هو اللي قدح شبّه و ولعانته |
طيب طيب
اعرفك شاعر بطل معروف من كلمته ما يسدل العلم لو غيره نوى في سدل والصقر لو جاك حايم من على شارفي يقنص وعينه ترا يا خوك ما خانتــــــه |
الرد انتم لكم سيف يثني الخصم من كَلمَته=ومجلس اهل الكرم له طارف الناس دل تبصر جموع العرب من سدته شارفي=ورّد وصدر ضيوفه ما امتلت خانته |
تسلم لسانك وعلم الطيب ما زلتـــــــــه
ابشر بعزك ومثلك للمواقف يـــــــــــدل يا خوك ماني بجاهلكم ترا عــــارفــــــي مثلك عريب النسب والعين كم شافـــته |
الرد درب الخطا يارفيقي فيه من زل تَه=والطيب مثل النخل بالتمر عذقه يَدَل وراعي الطيب والقالات والعارفي=ياخذ من اهل العلوم الطيبه شافته لاحظ يدل وانا اخوك راحت.. |
صادق وانا اخوك واحسبها عليها
النقد طيب ومثلك واضح(ن) طلته والشعر منهاجه العالي ترا ما بخل مسكين من جاك يركض للعنا حافي يعرف حدود البلاد وماجهل قامتــــه |
الرد
الغيث لـ اخطا بنلقــــــى خير في طلته والنقد سقنـاه للصاحب ويثمــر بــ خِل مرضى رفيقي على هول الخطر حافي ون طاح انا عزوته بقـوى على قامته حافي =على الحافة |
| الساعة الآن 03:50 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع