|
الرد عند السامي والا ابن الجنوب والا ارخميدس
ابنشد الطالب اللي باللقب لقبوه
ياليتهم على الكتابه ياعرب دربوه وياليتهم قبل هذاك اللقب درسوه الدهر يومين يومن لك ويومن عليك ياستاذ ساعدنا بغينا النجاح والطالب اللي نجحته الادارة ودي على ماقالوا اقابله |
صح لسانك ياشيخ ونستمر عليها قارعه ... وانا بدل ارخميدس الله يرحمه ترى هوه مات وعتبرني مكانه ,,,, وحشمتك قلت بارده ولا والله انا ماودي حد يضيق عليه يقلون وشمعه ذيك الداهيه مايرد علينا ولا يحاورنا ,,, مسوي نفسه البيضاني على غفله ,,,
الرد/درع الجزيره الآبن ياما على طول الدهر لقى ابــــــوه والدرب واضح وليت احبابنا دربـــــــّـــوه والبشت الأصلي بيزها بي ولا درســــوه :الدهر يومين يومن لك ويومن عليك اللحم اشوفه ماأستوى للنجـــــــــــــاح وسط القدر مانجحتــــــــــــــــــه الإداره بنروح و(ا)نجي ليله القابلـــــــــــــــــــــه |
يا سلام يا سلام .ووورد ووورد. واصلوها قارعه وان ودكم ننتزي معكم فلنا الشرف
|
حياك يانديم تشرفنا ياشيخ وبعد تستاذن انتزه والردود عندي ياذيبان والبدوع من عندك انت وابو كداش
|
ماهو ضروري الشقر في الموال
بدع :نديم القوااافي= 0= البحر الاحمر خذو ماي(ن) منه عذبوه= وقلب درع الجزيره صعب(ن) اتعذبوه= وان جت لقول القصايد صوتكم عذبوه= 0= الدهر يومين يومن ..لك... ويومــــــــــــــن عليك= 0= درع الجزيره لو هبوله وشاح= يستاهله يستاهله عن جداره= نقول له مبروك ونسابله= |
ابوكداش
صح لسانك وبدنك والرجاء تنسيق القصيدة لتبين جمال القصيدة اكثر |
درع الجزيرة صح لسانك وبدنك واصلوا ابداعكم وانحن متابعين |
نديم الابداع صح لسانك وبدنك ملايين ودعمك للشباب لانستغربه يابو سند والشباب يستاهلون |
اسرع بالرد يادرع الجزيرة عجل به ياذيبان
|
اقتباس:
شهادتك وسام على صدري يانديم القوافي وانت شاعر ولا فيك حيله ونحن طلاب نتعلم منك ونستفيد طال عمرك ,,, _ابو كداش حياك الله انحن في منتدى ياخي يعني القارعه لاتقعد اسبوع مافيها شي وكل واحد على حسب ضروفه ولنحن في ساحة عرضه متى مافضينا خشينا المنتدى نقصد وعندنا اشغال اهم من القصايد وهي ماهلا هوايه ونعطيه من وقتنا القليل وحسب الضروف ... الرد/درع الجزيره ماكل ماينكتب لأهل القرايه قـــــــــــروه والضيف لاجاء وهو يرجي القرايه قـروه واللي يجيب الكلام المعتبر وقّـــــــــــــروه ولابيقوى لشيل الحمله إلا جمــــــــــــــــل العد لاجفـّت عيونه وشـــــــــــــــــــــــــاح يوقّـف الضميان بأعلى جــــــــــــــــــــداره يمكن جدار العد ينساب لـــــــــــــــــــــــه |
الطالب اللي تمدح فالمعلم مـــــــــداح
ابنشدك عن وشاحك بعد حان الصباح مدري خذيته جداره بعد مالجدر طـــاح والدهر يومين يومن لك ويومن عليك الذيب مايعوي فوقت الصبـــــــــــــاح والصقر يبقى من عيال الصقــــــــارة ياللي خذيت القاب بمجاملــــــــــــــــه |
اقتباس:
لو قلت خذيت امداح بمجامله كان احسن لاني مافي لقب ولا هم يحزنون ,,,غمززززة كبر الخط خلنا نشوف ضعيله هبه كما تالمشاعيب معيه عشان نشوف,,,هااااااااااااااي الرد/درع الجزيره الناس تحسدني إني ما أشرب إلا قــــــــراح وإذا يغيـضك تفوقنا فهذا إقتـــــــــــــــــــراح لاتطردون السحابه بعد مالوقــــــــــــت راح والدهر يومين يومن لك ويومن عليــــــك الله يرحم دولة آل الصبــــــــــــــــــــــــــــاح يحسّـبون الفايده في الصقـــــــــــــــــــــــــاره ويشترون الكرز بمجاملـــــــــــــــــــــــــــــــــه |
بدع : نديم القوااافي= 0= الاب يشقى شقا والابن خذ فيد بوه= بدال ما ياهب ايده عزوة(ن) فيد بوه= تكفون تكفون لا جا عندكم فيد بوه*= 0= والدهر يومين يومن لك ويومن عليك= 0= يا شيخ بو كداش هاك اقتراح= البندقه هبها لراسك وساده= كم غايراً قبلك نهبنا بله= *فيدبوه=ادبوه |
أبو كداش الله يهديك قلنا بتتعدل لكن للأسف لازلت بنفس السيناريو,,
واصلو واصلو وانحن فاغرين نتلمح,, والله كلام كتير صديق.. |
اقتباس:
الرد/درع الجزيره الجاهل اللي بليـّا مشيخه شيّخـــــــــوه يحسّب إنه بياخذ ياعرب شي خـــــــوه شباب هذا الزمن راس الولد شيّخـوه أبشرك لا خوف . ذاوقـــــــــــت راح المشكله مابين حاجب وســـــــــــــــاده لو أبغي أنهيها نهب نابلـــــــــــــــــــــــــه |
قم يانديم القوافي طالبك شجعـــــــــــه
هات المعاني ومعناكم نبي نسمعــــــه والحرب ناسن تشارك به وهي طامعة والدهر يومن لك ويومن عليــــــــــــك الجدر ياشعار وشلون طـــــــــــــــــاح والبندق اللي معي فيها قـــــــــــراده ارمي الكفيل اوتصقع ابعاملــــــــــه |
صحة السنتكم درع الجزيره في قارعه ياليت تشاركنا انا ونت وبو كداش فقط لاغير ...
|
اقتباس:
الرد/درع الجزيره خطفت الأنظار يالكداش في المجمعــــــه لكن في العاصمه ماحولك المجمعــــــــــــه والناس فيما ذكرته قرّت ومجمعــــــــــــــــه والدهر يومين يومن لك ويومن عليك ترى الجبل مايقتلعه النطـــــــــــــــــــــاح ماكل من يستذكر الحــــــــــــــــــق راده مثيل ماعاملني آعاملـــــــــــــــــــــــــــــه ::::::::::::: كنت اتمنى يابو كداش تستمر على قافية (وهــــ ) كما نديم القوافي في الموال ,,, نشكر الأخ نديم القوافي للمشاركته معنا وتشرفه لنا وهو مدرسه نستفيد منه ونشكر ابو كداش كذلك ولنا لقائات قادمه انشاء الله كما لايفوتني ان اشكر السامي لدعوته لي للمحاوره؟؟ |
اقتباس:
عموما حياك الله وكلنا اخوان هنا في المنتدىوتشرفني محاورتك انت وبو كداش ... |
| الساعة الآن 01:48 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع