|
محاوره مميزه بين الشاعرين ابن الجنوب وعلي السبيه لا تفوتكم
بسم الله الرحمن الرحيم السلام عليكم ورحمة الله وبركاته اخواني واخواتي اعضاء وزوارمنتدى رباع الشعر الاصيل حياكم الله وبياكم معنا اليوم وفي سهرت هذه الليله ليلة الاربعاء 19/ 11/ 1431الشاعرين ابن الجنوب وعلي السبيه يسرنا حضوركم وتواجدكم لتستمتعوا وتتابعوا معنا الشعر الاصيل من عمالقت الشعر حياكم الله جميعا والان المايك مع الشاعر ابن الجنوب فيتفضل مشكورا اهلا وسهلا شاعرنا القدير اسعدنا حضورك بارك الله فيك تفضل منقول من قسم الترفيه لقسم الشعر النبطي |
تفضل ابن الجنوب البدع عسى الله يصلح الشآن ويساعدنا تزين علوم ونـبقى في سعــاده والشـــقى للغير يشقى به حبايــب ماتــفرقــنا ليــالــينا وكــثر اللــوم على درب الوفاء نحسب مسافاته ونسعى به |
تفضل حياك الله علي السبيه الرد عسى المقسوم ياصل لك ولكن وش ورى المقسوم اخـاف القــلب ما يقنـــع وعينـــك مـا تهــنـى بـــه ليــالي الشــوق ياصــاحـب تزيّـن للعيـون احلـوم تحـــذّر لا تصـــدّقهـا تــــرى الاحـــــلام كــــذّابـه |
ابن الجنوب البدع عيوني من جفا خلّي سهــيره ماتذوق الــنوم ويامطــولك ياليــل الفراق العـين تصــحى بـه زمــن غدّار زوّدنـــي على كــثر الهــموم اهموم قــرابـــه يشمــتون بحالتـــي ماسـاروا اقرابـه |
علي السبيه الرد جنون الحــب من صــابه رفعنــا عن هواه اللوم وندعي الله يخفّــــف عنه من بلـواه ماصــــابـه وراع الحــب يبقى في حــلوم وفي هواجس دوم وينسى اهله واجيـــرانه ويــنسى جملة اصحابه |
ابن الجنوب البدع ترى وقت المــوادع صــعب لكن القدر محتوم ولاني وحدي اللي في حيــاته فارق احبــابه ودنيــانا غريبه لاضــحكنا جت بوجه الشوم تذكــرني بنـــمر الغــــابه اللـي مـد مخـــلابـه |
ياسلام........ياسلام.......ياسلام
طيب...طيب...مشكوره على الموضوع الرائع لعمالقة الشعر الكبيرين (ابن الجنوب _ والسبيه) صحت ألألسنه وتعافت الأبدان |
علي السبيه الرد زمــان العولمــه فيه الحبايــب يافتـى باالكـوم وعادي الحب في ذا الوقت كلن قد طـــرق بابه وسوقه مرخصـــينه عاد كلن له بجــاله سـوم ولا فيهم ولا عاشـــق شكى اللوعــات واصبابه |
ابن الجنوب البدع أنا لجل الهوا واهل الهوى قمت وحربت القوم لعنت اللي وقف في سكتي ولعنت من جاء به على شآن الغضي ماهمني لو كان بن مكتوم يجنب عن طريقي قبل جسمي يفقد اعصابـه |
علي السبيه الرد ترى راع الهوى يمسي ذليل وينتفض محموم وكودن يرفع ارموشه وجفنه صاحــين نابـه ولا يقوى يحرّك ساكـن الا دايمـن مغــمـوم وجسمه ناحــلن ضامر به الاوجـاع تتشابـه |
ابن الجنوب البدع أنا ماخذت من سوق الرخاصه للجنوب هدوم ادور غالي الاثمــان ثم اشـــريـه وازهـى بـه قناعه عندي إن اللي رخيصه قيمته مذمـوم ريال احســن منه خلّوه يبـــقـى عنـد جلاّبـه |
علي السبيه الرد بحور الحب غداره وكم في قــاعهـا معـــدوم ولو يتــوهّم السـابـح بـــه الامـــواج غــلاّبـه بيــغرق في شبر مويه ولو حتــى يجيد العـوم ترى من غاص بحر الحب ماضنيت ينـجى به |
اخواني واخواتي اتمنى ان يكون نقلي حاز على رضاكم وانال استحسانكم هدفنا وغايتنا سعادتكم ورضاكم من اراد الاستمتاع بجوالمحاوره كامله ونكهتها الخاصه ادعوه لمشاهدة موضوع (وش تقول للشخص اللي في بالك في قسم الترفيه ) مشاركات وتعليقات من الاعضاء ومن الشاعرين الكبيرين ابن الجنوب وعلي السبيه لا تفوووووووتكم روووووووعه بروعة تواجدهم وحضورهم شكر خاص ومن القلب للشاعر ابن الجنوب وشكر خاص ومن القلب للشاعر علي السبيه وجودكم معنا غاية المنى شرفتمونا بحضوركم واسعدتمونا بروحكم الطيبه واخلاقكم العاليه وتواضعكم الجم دمتم بخير وفي خير ولنا لقاء في سهرة هذه الليله ليلة الخميس الموافق 20 /11 /1431 وانتم بخير وجميع الاعضاء الدعوه عامه |
من اجمل المحاورات وتمكن غريب بالنبطي الى درجة الادهاش
صحت الالسن وتعافت الابدان وهؤلاء شعراء كبار كبار بمعنى الكلمة |
صحت السنتهم وتعافت ابدانهم
وتسلمين يالؤلؤة زهران ع النقل الرائع |
تسلمين يالؤلؤة زهران ونشكرك من الاعماق على نقلك لهذه المحاوره
واشكرك لتوجيه الدعوه لي واشكر الشاعر الكبير والمعلم الاول ابن الجنوب لقبوله محاورتي وهذا تواضع منه واشكر كل من مر وعلق كلن بااسمه وشكري وتقديري للجميع |
الله الله عليكم ياعمالقة الشعر بصراحة وبدون اي مجاملة انكم من عمالقة الشعراء في هذا المنتدى ولا ننسى الشاعر ملك الليل والله يعين اللي يتحاور معاكم راح يروح في اللفة مانقول الا الله يخارجنا منكم وبس
|
| الساعة الآن 12:54 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع