|
قصيده مطروحه للنقد والتوجيه وهي أول محاوله لي وقد تكون الاخيره...
بعض العرب لامرّني زادني شوق=وعاد لي تاريخ ماضي سنيني عذب الّلما يرويك عن كل منطوق=ويبري الجرح العميق الدّفيني صحرا ضماي بشوفته رعد وبروق=تمطر سماه وكل غصنن يليني حبّه وزى مايشغله جنس مخلوق=أقهر به اللي عافني مايبيني ماهوب لاعرض وطلب داخل السّوق=وإلآ بضاعة حضرمي مايديني عواطفي ماتقبل الغشّ والبوق=صبور لو زاد الشقا والحنيني ماني خفيف ويقلب الهرج مطفوق=غثّ الكلام أميّزه والسميني والليل لو ظلّم يجي بعده شروق=حتى ولو عاند فواد الحزيني والمعذره ياأصحاب الاشعار والذّوق=هذا المجال أهواه مايهتويني وسلامتكم... |
ابن الجنوب 00كلمات رفيعة المستوى واسلوب شعرى راق جدا فقد عرفناك شاعرا فى جميع الاتجاهات صح السانك واعتلا شانك وبيض الله وجهك مررت من هنا لاستشف من حرفك واتعلم طال عمرك
|
ابن الجنوب الله الله صح لسانك كلمات تكتب بصقالة فن الأديب و تسقي ظمأ المتلقي بنبض حساس يبوح بمشاعر مرهفة شفافة حروف رائعة تحلق في سماء الابداع تجعلنا نقف حائرين عاجزين .. عن التعبير بمدى اعجابنا بسحر كلماتك وابياتك و روعة التعبير .. وفقك الله اجمل التحايا http://www.iraqnaa.com/ico/image2/f/n/ros024.gif |
اقتباس:
أستاذي ليل الوعد مرورك شرف لي وتاج على راسي ومشاركتي لن تتعدى كونها إرضاء لمن حبّ إني أشارك في هذا القسم مع إني لست مبدع في هذا المجال ... تقبل تحياتي وتقديري... |
اقتباس:
تشرفت بمرورك لؤلؤة زهران ومحاولاتي هنا أو هناك لا ترقى لمستوى إطرائك ولكن لا يلام المرء بعد إجتهاده...دمتي بود ودام وجودك ونبض قلبك ولا جفّ قلمك... |
صح لسانك مدد بلا عدد على هذا الأبداع
وانت استاذ ومعلم في القصايد ماشاء الله وفوق النقد ومنك نتعلم |
اقتباس:
صح بدنك أستاذي متعب ولا استغني عن توجيهك لاخلا ولا عدم... |
|
http://www.iraqnaa.com/ico/image2/f/n/ros024.gifشـكــ وبارك الله فيك ـــرا لك ... لك مني أجمل تحية .
|
الله عليك ياابن الجنوب يا معلم والله اتك استاذ الشعر
سواء في قصايد العرضه والا الشعر النبطي وهذه القصيده خير دليل على شاعريتك الفذّه وليتك تهوى هذا النوع على شان نستمع منك باالقصايد اللي على اصولها والشعر الحقيقي وصح لسانك مدد بلا عدد |
ابن الجنوب
إذاكانت هذه قصيدتك الاولى فقد بدأت من حيث أنتهى الآخرون ابدعت ولن نسمح لك بالتوقف صح لسااااااااااااااااانك ملايين |
صح لسانك والله ياخذ عقل عدوك خل منت مبدع في هذا الجمال الا مبدع غصبن على خشم اللي مايرضى وهذا البيت يسوى عشر الاف
عواطفي ماتقبل الغش والبوق صبور لو زاد الشقا والحنيني الله يوفقك ونبغاك توعدنا تكثر لنا من هذا النوع |
هنا عــزف على الاحاسيس هنا مشاعر جميله وشعر وشعور يا سلاااااام عليك يابن الجنوب الروعه والأبداع لايفارقان نصوصك بجد نص اكثر من راائع من شاعرمميز يجيد حبك القصيده بحيث يحلق بنا إلى آفاااق الإبداع والجمال صح إلساااااااانك مليار وتكرار ولاهان منطوقك يعطيك العااااافيه وبانتظار جديدك المتميز دوماً اذا كان فيه نقد بقولك وااصل ولا تحرمنا من ابدعااتك تقبل مروري المتواضع ... تقديري .......// |
اقتباس:
أخي جابر تسلم على مرورك والله يثبّت الجميع على طاعته... |
اقتباس:
صح بدنك يارفيق الدرب والحق عليك لم تضعني على اول الطريق في هذا المجال... |
اقتباس:
صح بدنك وإلابداع يتجلى في مرورك وصدقني باقي تلعنون من خبزه وفتّه مادام اعطيتوني الضوء الاخضر... |
اقتباس:
صح بدنك ياولد خالي ولو عصبوا عليه أهل النبطي لا تخيّل فيه يافهد... |
اقتباس:
صح بدنك ياهمسة شوق وكل ماكتبته في هذا المنتدى لا يرقى لمسوتى إطرائك أشكرك جزيل الشكر ودمتي كما تحبّين... |
مخدوم مخدوم طال عمرك
والله انك مبدع بدون مجامله لكن لاتحرمنا كثرلنا من هذا النوع تقبل مروري مره اخرى |
ابن الجنوب شاعر يحفر أسمه في سماء الإبداع صح لسانك ملااااااااااااااااااااين قصيده من النوع الفاخر احترامي وتقديري لك |
اقتباس:
صح بدنك يابدويه وصدقيني توقعت أخذ كرت أحمر من أول محاوله ولكن ابشرك مشت الامور على خير...أشكرلك مرورك وإطرائك الطيب... |
| الساعة الآن 10:30 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع