|
منت مثل الخبت في كل معنى ياجبل(السبيه)
اخي الغالي علي السبيه دكتور الشعر شرفني لاهنت بالرد ان كان ودك ولاتعجل عليه
منت مثل الخبت في كل معنى ياجبـــــــــــــــل انت فيك الصلب والخبت ما هلا رمــــــــــــال وانت محرز نمر والخبت مدراج الـــــــــــبراه ما يهزك ريح يانيس الاجرد وانت راســـــــي والجبال النايفه ما حدآ بي تلهـــــــــــــــــــــــا |
صح لسانك ياشيخ وننتضر السبيه ليكتمل الإبداع... |
صح بدنك والله لايهينك
واشكرك على المرور |
طيب طيب ياشايب العشرين صح لسانك ملايييييييييييين وننتظر اكمال الابداع والترجمه من ابو طلال |
طيب يا شايب العشرين
صح لسانكـ يا شيخ في انتظار ابو طلال |
صح لسانك يا قحم العشرين .. وننتضر ابو طلال ليضيف ابداع اخر ..
|
صح لسانك ياشايب العشرين ويشرفني مجاراتك يااستاذي
وخذني من قيس المعرفه واعذرني ان حصل مني قصور
الرد:علي السبيه= .= مرحبا ياشاعرن يجبل المعنى جبل= ياكم اعطينا وجدنا وياكم مر مال= ميز المجدور بين الخلايق والبراه= من علوم اهل الوفا والموده ون ترى سي= والهوامير الفقر ماحدا بيتًّ لها= |
طيب طيب يابو طلال صح لسانك واصلوا وحنا متابعين |
صح لسانك يابو طلال وخذ لاهنت ولا تفوت عن الرد المطلوب
يابن عمي ودي آسير في درب السهــــــل والحمل تشتاله المنيبات امن الجمـــــــــال مكسبآسمحان للي يبيعه واشتــــــــــــــراه غير علمني عن اسهيل اذا انا كنت ناسـي واللي دور راحة النفس ودي نالهــــــــــا |
صح بدنك ياشايب العشرين وخذني من قيس المعرفه ولا تشره عليه آني من جنبها
الرد:علي السبيه= .= الطبيعه في الجبل والبوادي والسهل= انتق اللي تمتلي العين منه امن الجمال= واعلمني عن كل منضر تشوفه وش تراه= والديار المونسه والذي دايم تناسي= ليت راع الرحله يومن يودينا لها= |
هههههههههههه أويه تشرد ياسبيه لك الله اني يمكن لوكنت مكانك لاجيبها شقرٌ وارضي القحم
عموما صحت الألسن وتعافت الأبدان |
اللبيدي
ملك الليل شرفتمونا بمروركم وتواجدكم لاخلا ولا عدم |
الله اكبر مبدعين سلمتم لنا
|
يا قميدي غرزتك والعطر وردآ وفـــــــــــل
والهوى قتال ياكم حنى روس الرجـــــــــال ليش تجحد طالما الله غفار الســــــــــــــواه ومزارع بيرها مويته خمسآ حوا ســـــــي بلاه علم مصر يمكن تورد نيلهــــــــــــــــا صح لسانك يابو طلال لاكن ليش تشرد ههههههههه ماني بعرف منك قصدي اتعلم منك فانت استاذ اكا ديميه ونتشرف بك يابو طلال |
الاخ ربيع الفاضل مرور عطر يالذيب
|
الله الله
شايب العشرين علي السبيه واصلوا ونحن متابعين صحت الالسن وتعافت الابدان |
وينك ياسبيه عسى ماشر
|
ماعليش ياشيب العشرين اعذرني على التاخير الغير مقصود وانا رفيقك
وانا ترى ما شردت ولاهو من طبعي الشراد وعلى كل حال خذني من قيس المعرفه واعذرني ان حصل مني قصور
الرد:علي السبيه= .= ما يمدينا نلحق اللي مضا دربه وفل= اتركّد في نقل الاقدام وآروس الرجال= وانا عندي صاحبن ما ملا عيني سواه= ورّدني ديره لها تطرب الخمس الحواسي= والديار الموحشه لا تورّدني لها= |
مجار خشمك يابو طلال ماتشرد لاكن اخاف كلامي ما يعجبك لاكن خذني على قدي يا خيه
ارفع ايدك للسما ء يبن عمي وابتهـــــــــــــل والجمل ليتك بتفداه من روس الخيـــــــــــــال وانا بتمثل معك ياسبيه من سمــــــــــــــــــاه لاتقول راعي الصفا عندنا والود ياســـــــــي والقلوب الحيه ما ظن يمحا اصيلهــــــــــــــا |
على العين والراس ياشايب العشرين ويشرفني مجاراتك ياالنشمي
وانت اللي خذني من قيس المعرفه واعذرني ان حصل مني قصور
الرد:علي السبيه= .= الغصون الخضر باقي تثمّر وابتهل= والبلاد الواسعه مابتحمى باالخيال= ما يرويها غير سيلن غزيرن من سماه= مايجي ياشيخ بعد الحصاد الا الدياسي= والبلاد الطيبه جادت امحاصيلها= |
الابل يقلون تلام من هدر الجمــــــــــــل
والبكره اللي فارقت هبلها منشر حبــال ضاح براق الحيا لاتقلي وش نــــــــواه والخيول العاصيه لاتولاها السياســي السايس دايم كفوفه متان افضالهــــا |
شايب العشرين والسبيه الله يعطيكم العافيه مبدعين وشعراء كبار اتحفتمونا بهذا الجمال الله يقويكم وياليتكم تواصلون تقبلو مروري لاهنتم يالاجواد ابونواف الخزمري,,,,,,,,,,و |
الرد:علي السبيه= .= ابنفرّق بين كل المعاني والجمل= وانا شاعر وابدع المعرفه من شرح بال= والكلام الشّين ينبذه قلبي واشنواه= اما ذا الوقت اشغلونا المحاضر والسياسي= والقصايد ماعد ادري متى نفضى لها= |
اقتباس:
ونشكر لك مرورك الكريم |
شايب العشرين
علي الســـــبيّه صحت الالسن وتعافت الابدان شعراء كبار نتوقع منهم دائما مثل هذا الابداع |
الله اكبر من هروجآ تداول بالـــــــــــــــــدول
لاتشب النار ونزيد نارك باشتعـــــــــــــــــال وان شرعت البحر ما قلت ضايق منك مـاه للقصايد نظرتآ يا سبيه واقتبـــــــــــــــــاسي فالطريق السهل وان كان ابو متعبلهـــــــــا |
الرد:علي السبيه= .= ارتفع شان السعوديه مابين الدول= ما حكمها شخص عادي عليه البشت عال= الملك عبدالله ماله شبيه ومن كماه= قايد القوات لامن بدانا وقت باسي= ابتلين المكربه دام ابو متعب لها= |
يا علي ما دمت في الموقفه راعي محل
من وقف ربعه معه مانقول الراس مال وردني للعذب لاعد توردني الحمـــــــــاه انا شايب لاكن آشوف بي كثر الحماسي وآيميني ما تعذر من اسرائيلهــــــــــــــا |
شي علوم ٍ تهوّل ...صحّت ألسنتكم .
متابعين ومستمتعين ... تنويه:هناك أخطاء إملائيه تؤثر على المحاوره وخصوصاً الطرق واسمحوا لي بالتعديل أو على المشرفين القيام بذلك وآسف على هذا التنويه... |
عدل على قصايدي وخذ راحتك ياعاشق المها
الرد:علي السبيه= .= للقسايم في قلسطين حل اللوم حل= كلن يرقب للرياسه ويطلب راس مال= من يهيّب عالعدو لا انقسم صف الحماه= لا سرايا القدس جايت بنصر ولا حماسي= و زمام الامر للمريكه واسرائيلها= |
الله الله عليك يابو طلال الحقيقه تشرفت بمجاراتك يا وجه السعد
واعذرني على القصور واذا جاء مني هفوه ولك تحياتي هاوي الشعر مرور عطر يالذيب |
صحت السنتكم يالنشاما ... محاوره رائعه .. ولكم التقدير والاحترام من اخوكم البرق اللامع
|
وافي ياشايب العشرين ولا يجي منك قصور وتشرفت بمجاراتك يا شاعر القيفان
واعذرني على التاخير في ردي عليك وعلى قل معرفتي وشكري وتقديري لكل من شرفنا بمروره الكريم كلن باأسمه |
| الساعة الآن 04:57 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع