قصيدتي في حفل بني المنتشر من (شمران)
 

هذه قصيده ألقيتها في زواج أحد الأصدقاء من بني المنتشر :


البدع :


ياسلامي على اهل الجود والفود دعوى المنتشر
الرجال اللذي في حفلهم يسعد القلب المعاني
مااسمع الاّ تراحيب الكرم والمودّه والغلا
كثـّر الله خير اللي تجمّل وابو خالد تجمّل
يشهد الله مافي ضيفة اهل الجمايل من قصور
قلتها والجمايل مالها الاّ اهلها في كلّ موقف
خلّ من يجهلون الفايده واسمها وادروبها
انتم اللي ضماير خلق ربي عليكم منحياتي
عزوة(ن) مثل هذي في نهار اللقا بترو لها



الرد :

من يحلّ البطاله والغلا والفساد المنتشر
يوم بعض المشاكل مالها عندنا فهم ومعاني
علّموني وش اسباب البطاله وش اسباب الغلا
صار حتى محاصيل التعب في يديني ماتجمّل
يوم غيري يطاول بالفلل والعماير والقصور
رزق بعض العرب ماينقطع واكثر الارزاق موقف
بالله حسّوا بعلاّت البشر يابشر وادروا بها
السؤال اللذي باوجهه قبل ماتفنى حياتي
وش يسوّي شباب المملكه لاانتهى بترولها






تحيااااااااااتي

اخوي احمد


عساك سالم والله يعطيك العافية

احمد مطر


صح لسانك وبيض الله وجهك يا النشمي

بدع متعوب عليه وديباجه من النوع الفاخر جدآ

ورد يشرح الصدر ويعتبر رساله الي من القي السمع وهو شهيد


الله يوفقك


رزق بعض العرب ماينقطع واكثر الارزاق موقف

صح لسانك وعلا شانك
وبيض الله وجهك يالغالي
ولك خالص الشكر والتقدير

انا فدى راسك على هذه الرائعة ونكررها كلنا بلسان واحد

بالله حسّوا بعلاّت البشر يابشر وادروا بها
السؤال الذي باوجهه قبل ماتفنى حياتي
وش يسوّي شباب المملكه لاانتهى بترولها

..احمد مطر ..{
صح لسانك مليون واعتلا شانك
تسلم يمينك
إبداااااع يفوق الوصف
دمت ودام نبضك ودام هالبوح الشامخ
تقديري واحترااامي ....

الله يعطيك العافيه يا أخوي عبد الله
مرورك شرف وكلامك تاج على راسي

الله يعافيك ياأمير القلوب
ومشكور على المرور

صح بدنك ياكبير ومرورك على قصيدتي وتعليقك الطيب وسام أعتز به

ولك التحيه

طيب يابو مطر طيب

اشهد انك محكم وشاعر بكل ماتعني كلمت شاعر

طال عمرك وعلى شانك وصح لسانك

ولسانك ياشاعرنا الكبير تظل مبدعاً يا أبو طلال ولتواجدك نكهة خاصه

تحياتي لك يابطل

ولسانك والله يبيض وجوهنا جميعاً والشكر لك يالغالي

فداك اللاش ياكبير
مشكور على المرور الرائع ياأستاذنا

ولسانك أختي همسة شوق ياصحبة الذوق وأعذب المنطوق



تحياتي لك يامبدعه

الله يسعدك يابن سلمان شهادتك كبيره بكبر قامتك السامقه

تحياتي لك وصح بدنك

هلا بالمبدع في كل حالاته أستاذنا ليل القوافي

تسلم على المرور الرائع بروعتك