|
محاوره على فنّ الردّ (القلطه)
رديّه بسيطه من له نيّه يشاركني فيامرحبا واهلا وسهلا ولاأخص أحد ..........
سلامي عليكم يالرجال الميامين=واثنـّي على زهران في كلّ ديره أشوف (المعلّم) ماحمته القوانين=برغم المطالب والدعاوى الكثيره |
|
احمد مطر
صح لسانك والله يسعدك مبدع في كل مجال ماشاء الله تبارك الله موضوع يستحق النقاش ولكن العين بصيره واليد قصيره الله يوفقك |
يا إخوان حياكم الله وفيكم الخير والبركه تكفون شاركونا ....................
|
اقتباس:
صح لسانك يا ابو مطر وتقبل ردي المتواضع.. واذا كان الرد يعرج فحذفه وعساه فدا ارجولك
هلا مرحبا مليون يبن السلاااطين = تراحيب مثل الورد تنثر نثيره ليا عاد نصف المحكمه مالمجانين= فعند المجنن ما تفيد البصيره |
يالله حيّه مليون مرّه يامسلـّم ياسلام لاوالله ماينحذف ردّك وانا اخوك إلاّ فوق راسي من فوق ..........
استلم:
يقولون وفـّرتم وحنـّا مساكين=نصدّق كلام اهل القلوب الشريره هذا نـُصّهم والنـُصّ الآخر شياطين=توطـّوا وطنـّا ثمّ حاسوا مريره تحيااااااااااتي |
يسلم راسك يابو مطر ومحاورتك شرف ووسام لي
فنون التجاره فاز فيها الدنادين= هل الكدح غير اهل الفروش الوثيره تفضل بوسط السوق وافتح حسابين= ولا تحسد الجمال تنضل بعيره |
خسي من يتاجر في حقوق الملايين=بعد يصطلي منها بنار ٍ سعيره تعبنا وكدّينا بكلّ الميادين=ندوّر لمال ٍ في الجيوب الكبيره |
صحت السنتكم والله يعطيكم العافيه يا النشاما
الله يوفقكم |
قصايد رائعه ومحاوره ساخنه من البدايه سلمتم ياشعار
|
ليا جاك عشره قمت تصرف ثلاثين= تبا المشيخه وتبى تقود العشيره ترا اجدادنا سارو على الارض حافين= ويا ليتنا نمشي بنفس الوتيره |
مسفر الفضيلي
ابو طلال صحت ابدانكم ومروركم شرف المحاوره يالنشاما |
|
أدوّر لستر الله على منهج الدين=وعيني تطالع فوق ماهي كسيره أخلـّي الحفا للي عن الحقّ غافين=ولا اطاوع اصحاب العيون الضريره |
د: ليل الوعد الله يشرف مقدارك شرفتنا بتواجدك
اجل سو لك قارب وهبله شراااعين = وموج البحر لا تخترع من هديره واذا ودك ارسملك دروب وعناوين = جيوبك لزوم انها تعود صغيره |
أخاف انّ بعض الناس تنشد على وين=لكن سر معي والمركب انته مديره واذا قلت ممشي في دروب المجانين=فخلّ المجنـّن في عملها خبيره |
هههههههههههههههههه الموت مع الجماعه رحمه طيب طيب
انا شايب وعمري تعدا الثمانين = وقاربك ماطوره كلا نصف سيره ودور معاون لك وخذلك غلامين= وصيد السمك وابتاع ليره بليره |
الله الله
صح ابداعكم متابع لذائقتكم الشعرية تحياتي |
مجهّز لك العدّه وعندي فيتامين=وذا القارب آنا ادري بشرّه وخيره أدوّر زحول الناس ماابغي وراعين=وصيد السمك لهل اليدين القصيره |
هههههههههههه كفو يا ابو مطر
على العين يالنشمي على الراس والعين= ترا البحر للابطال لو شفت خيره نبيع الغنم والا نبيع السرادين = ترى خير من مكتب وهذرة مديره |
صح لسانك يا ابو مطر والف شكر لكل من مر على المحاوره وتصبحون على خير
|
صحّ لسانك يانديم القوافي وعزّ الله انـّك كفو وتشرف من يقاصد معك يالنشمي ..............
والجايات أكثر بإذن الله تعالى ............. والشكر لكلّ من شرّفنا بمروره وتعليقه شكراً لايحدّه حدّ ............... تحياااااااااتي |
ياسلام ابداع يفوق كل ابداع صح لسانك يابو مطر ويانديم القوافي |
احمد مطر
نديم القوافي صحت السنتكم .. |
والموعد وهم
صقر الجنوب شرفتمونا بمروركم الجميل وزدتم الصفحة جمالاً تحيااااااااتي |
| الساعة الآن 03:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع