|
محاوره شعريه على شبة النار وصفر الدلال
بسم الله الرحمن الرحيم ودي ابداء مع ليل الوعد محاوره شعريه بعنوان / شبة النار وصفر الدلال وراح تكون من ست ابيات وعلى نفس البحر والقاف اتمنى أن تحوز على رضاء الجميع وقضاء افضل وامتع الاوقات بهذه المحاوره الشعريه راح أبداء واتمنى منك ياليل الوعد المواصله وعساك على القوه يقول بدر لــيـــل الوعــــد يا جعـــل ربــــي يخليك النـــور نـــــورك والعطـــاياء عطـــاياك شعـــرك وميــــزتــــه وصـــوتك يحلــيك عقـــبال مصبـــح يــــوم وســــعد بلقياك ويا جعـــل يــــوم الشـــر فيــني ولا فيك لا غــبـــت بـــفـــقد لك ولا جيـــت حـياك |
يا مرحبا يا بدر والبدر اسمك وطاريك = وريح العطر يا بدر منطوق دعواك اخوى بدر حياك مولاك وابشر بعزك وحنا طال عمرك نتشرف بالرجال اللى يعزون الجناب فى هذا الصرح الوفى برجاله الاوفياء وانت واحد منهم اخوى بدر ارحب بك ترحيبة ابى زيد الهلالى وترى عندنا نية نشب النار ونزود حطبها للكرماء امثالكم ويا هلا ويا مرحبا ومنكم طال عمرك نتعلمأنت الهنا والعز دائم يناديك = ودار السعد دارك وعزك ومرباك وبسم الغلا يا بدر نعزك ونغليك = وبعطر الوفاء والعز عطرت دنياك |
ليل الوعد عساك على القوه وصح لسانك وعلى شانك لك خالص تحياتي يالغالي ليل الوعد رحب !! عسى الله يبقيك ياحلوهــا لحــظه تــلاقيــت واياك المنتدى نــور بــشوفــت معـــاليك ترحيبي أجـمــل منطـقتــبه شفاياك سلام لك مــن شخـص مالقلب يغليك ماعاش مـن سيـل دمـوعــك وبـكاك |
ريح الخزامى وعطرها من أياديك = وزهر الندا وريحة المسك يمناك يا حيا الله اخوى بدرصوتك شبيه الغلا والحى يحييك =ودرب الوفاء والعز والطيب ممشاك هات القلم واكتب معانى توفيك = انت البدر والنورمطلعه من محياك |
عساك على القوه يالغالي أزعل وترضيني وتزعل واراضيك احبـاب!!! توصيني وانفذ وصاياك تحميني أبسيفك من الخصم وأحمـيك واحكي وتسمعني وأنا اتسمع حكـاك واخاف امد الكف واسقيك وارويك وبكـره تخـلينـي مـن أول ضحاياك |
ليه الزعل يا نور عينى يعافيك =وانت الرضا وغاية القلب وهواك اسمع كلامك وتطربنى غناويك = منى قسم لرضيك وانسى انا انساك مير البلا ء طبع الهوى لو يرضيك = حاكم على أمره وللحين يفذاك |
أنت القلم !! حاظرك يشبه لماضيك وبعد تشوف الخير لـو ربـي احياك والله مـ أبـيـعك وبالـروح شـأريك وأن بعتــني مانـي بجــاي اترجاك وأترك قصيف النفس غيره يسـليك الزين قبلك والله اشـقاك واعـمـاك |
محاوره رائعه وثنائي خطير وبدر البدور ماهو بسيط ولا يهون ليل الوعد
|
علي السبيه يعطيك العافيه فيك الخير والبركه وعساك على القوه |
اشبهك بالروح وروحى تناديك = بدر الغلا والوفاء من سجاياك أمر تدلل و مالى حيلة ن فيك = صوتى سمعته يا بدر وصوتى تعداك خلك وليل الوعد محد ن يعاديك = واسرى معى بالليل يا زين مسراك |
صح لسانك وعلى شانك ليل الوعد اتمنى تكون تعرف هذا البحر من بحور الشعر ماهـو زعـل راضـي بـمرك وحاليك لأكـن شـفـت الحـب بهـذلك وأشقاك جيت اشغلك ياخوك عـ الحب والهيك وأرتاح في قـربك وشوفــك ولامـاك مير البــلاء قلبــك عسى الله يشفيك شف حب قلــبـك وين يالــيـل وداك |
اخوى بدر بحور الشعر يا خوك عمق الغزر وعمق اشواقى واخاف تهوى بنا فى مهاوى ريح لا عليك يا بدر اخوك ربان واعرف مذاهيل البحر 00تشرفت بمعرفتك وبحرفك الراقى والرفيع بسمو اخلاقك وتواضعك والذى والله ابهرنى نتوقف الى الغد بامر الله ولنا لقاء على الود نلتقى وعلى الود نفترق احييك شاعرا بحجمك تمتلك مقومات الشعر وربان فى البحر والله الموفق ارجو ان تسامحنى فيما لو زليت لا قدر الله ولك منى العذر والسموحة ولنا عودة يا رائع
|
ليل الوعد عساك على القوه وبارك الله فيك وما عيك زود يالغالي ترى بحر محاورتنا بحر ((( المسحوب ))) والله اني سعدت بالمحاوره معك ولك مني جزيل الشكر والتقدير وعلى راحتك يابعدي بكره لنا لقاء وترى البديه عندك وبالعكس ما حصل منك قصور ولا زله فأنت راعي الاوله ووفقك الله إلى مايحب ويرضى تقبل تحيات أخوك الصغير / بدر البدور |
صحت السنتكم وابدانكم يا النشاما على هذا الابداع والقصائد الشعرية والمحاورة الجميلة
|
اخوى صقر حياك الله ويشرفنا مرورك يا الغالى ويا هلا ويا مرحبا بك وبالجميع
|
اخوى بدر مساك الله بالخير والجميع واليك ولو تكرمت ترى حنا على جال الهوى والوفاء لكم يا بدر
صدر المجالس على العز ترحيب = ومبخرة يا بدر من ريحة العود وعسى القعود اللى يقدم فالمواجيب = لك يا بدر حشمة ويا مقدم الجود انت الوفاء ومقدم الطيب بالطيب = وليل الوعد وديك الليالى تعود خط القلم زين المعانى للمكاتيب = من خاطر لك يا طيب الفال معدود |
الله ... محاورة ...ممتعة... صحة ... السنتكم... |
شاعرتنا بدوية تواجدك شرف لنا احييك على تواجدك الرائع بروعتك وتواضعك الجم
|
ليل الوعد صح لسانك يالغالي والله يبقيك وفالك الطيب يالنشمي مدري تبي ارد على قصيدتك ونمشي عليها والا اغير والا وش رايك طال عمرك |
اخوى بدر امر تدلل ونا عصاك اللى ما تعصاك وكل الموضوع هو اننى اتعلم من حرفك الراقى واستفيد منك وبشاعر بحجمك ابهرنى تواضعك يا رجل وحنا هنا اخوان نتعلم من بعض فقط لا غير والمقصود تحريك المخ ونا عندى رسالة ماجستير باحضرها وعلشانك خل الماجستير وانت دكتور الحرف والكلمة وتوقيعك على الشهادة يهمنى يا بدر يا دكتور
|
لا والله يالغالي رسالة الماجستير اهم من كل شي وعسى الله يوفقك وتتجاوزها بنجاح وبتفوق أن شاء يالغالي وفالك التوفيق راح ابداء من جديد يا بعد حيي ليل الوعد بنشدك ياطــيــب الفال وابغى تـعلــمني بدقـــه وتفصـيل وشلون شفت البنت في ثوب رجال وش يعني البارود وش يعني الخيل كلمه وبالصدفــه وجتني على البال وحبيت أجرب دلــة البـن والهــيل |
جاك البحر خلك على الحرف والجال = وعمق الغزر والسحاب امخيل اخوى بدر انت تسبح ؟ترانى ناوى على الغزر معاك علمنى يا خوك ترى البحر ماله كبير هههه الله يسعدك يا بدر ويوفقك امزح يا خوكتسأل عن الحال كيف الحال = وطرف الهذب والكحل تظليل البنت يجيك العلم يا طيب الخال = ودرب الهوى فيه السقم يا بدر والويل |
لا تحسب أن البحر بالشعر مـــوال وإلا رســالـــه عــاطفـــيه وتمــثيل الشعر له ناســـاً تــقـــولــه وتختال ويسطر التاريخ شعـــر الـــرجاجيل وياكم بكت عيني وكم دمعهـــا سال حتى روت من دمع عيني منــــاديل |
طبع الزمن يا بدر امغير الاحوال= وبعض الشعر فى مجمله تأويل ليل الوعد فى مطلعه موال = وسيم يسم البدن والوسيم احليل جيت اتعلل ويا زين التعاليل = وانت منزلك يا بدر فى مطلع اسهيل |
أفهــم كلامـي وأترك القيل والقال باشب لك نــاراً واجبــلك معــاميل بــآمــد كفــي وأنت قم صب فنجال من دلــة تبري جـــروح المعــاليل واصبر على دربي وحتـى ولو طال ويا وسع صدرك يابــدر تالي الليل |
طال الصبر وانتظارى طال = سلام وافى مع التبجيل جاك الخبر فى ساقة المرسال =مكتوب من عندنا تحليل ليل الوعد خيالها خيال = وقلبك شقى والمعنى ايميل |
فــارس على راسـك لبـست الشــال خيــال ودري بــك وقاطـــع سيــل لأكن علومك غير وش حيلة المحتال الباخره ماضنتي ترسي بشاطي النيل قلبـــي شقـــي لأكـــن مانـــي قتال وأشوف ليل الوعـــد قــدام مية ميل |
فارس وانا اللى دايم الترحال =جيل ارتوى يتبع سواقى جيل اخوى بدر صبحك الله بالخير واحييك من طيبة الطيبة واللى اخرنى عنك رحت الحرم صليت ودعيت لك بالتوفيق يشهد الله انى احبك حب لا يعلم به الا علام الغيوب وتعلمت من حرفك وكلماتك الكثير لنا لقاء غدا بشرط تعال ومعك جميع ادوات الغوص والسباحة ترانى ناوى على نية الله يسعدك كما اسعدتنى والجميع غدا انتظرك على جال البحر والحرف والقصيد ويا خوك اناشدك الله انك تسامحنى لو زليت ولا زلت اكرر اننا هنا اخوان ويشرفنى معرفتك وبيض الله وجهك والسامعين ولا تنسى ملابس السباحة لان البحر غزير والرياح عاتية والموج مرتفع حسب الارصاد وحماية البيئة وتعليماتها عن البحر اليوموالباخرة يا بدر تاريخها اجيال = عمق البحر والريح والتحميل وانت يا بدرقلبك عليه اقفال = لاعب عليك الهوى وفى راحتك اكليل |
ليل الوعد الله يصبحك بالنور والسرور ولك اطيب وارق تحيه بس عتبان عليك شوي وشلون توصيني أجيب أغراض السباحه وأنا البحر نفسه الله يخليك ويعطيك العافيه ويبيض وجهك ولا حصل منك إلا كل علم طيب يا طيب الاصل لك خالص تحيات أخوك بدر البدور |
استاذى بدر اقف لك احتراما لشخصك ولحرفك وكلماتك واتواضعك فعلا انت البحر وفى احشاءه الدر كامن فهل ساءلوا الغواص عن صدفاته احييك بلغة الكبار يا كبير استاذى بدر
|
ليل الوعد راح أترك المجال مفتوح أمامك للبدء في أي شي أنت تريده وراح أرد أنا عليك وعندي سوال وحيد هل انت شاعر نظم فقط او عادي نظم ـ قلطه ـ عرضه ـ ارجو التوضيح ولك خالص تحياتي |
قواكم الله
ياشعارنا بس كيف تجي محاورة على ثلاثة بيوت نظام المحاورة بيتين بيتين كما ان الوزن لك عليه في بعض القصائد مثل فــارس على راسـك لبـست الشــال خيــال ودري بــك وقاطـــع سيــل لأكن علومك غير وش حيلة المحتال الباخره ماضنتي ترسي بشاطي النيل قلبـــي شقـــي لأكـــن مانـــي قتال وأشوف ليل الوعـــد قــدام مية ميل البيت الاول غير وزن باقي البيوت |
حنا طال عمرك منتسبون فى اكاديمية رباع لنتعلم من كبار الشعراء امثالك استاذى الكريم ويشرفنى مجاراتك ومجاراة شاعر بحجمك كبير استفيد من شعره ونثره ونحاول حسب المجهود والتوفيق من الله وانتم مدرسة للشعر ومرجع لنا الله يحفظك والجميع ومتخصص فى شعر الفصحى واتقنه ولنا محاولات متواضعة فى الشعر النبطى امل ان تليق بك استاذى الفاضل تحياتى لك وودى ووفائى وللجميع والاهم حنا اخوان نتعلم منكم استاذى
|
اقتباس:
بارك الله فيك المحاوره هذي شي ثاني وبالنسبه لي انا لا اقبل انتقادك ابداً ومرفوض والف مره مرفوض شكراً لك على المرور واتمنى مراسلتي على الخاص |
اقتباس:
|
لن اراسلك على الخاص
ولن اعلق على قصائدك لم اكن اعلم انكم ترفضون ذلك...................فأنا اعتذر وخلاص القصيدة موزونه والمحاورة صحيحة وانا غلطان تحيتي لكم |
استاذى بدر كلامى موجه لك ردا على اخر مشاركة لك ولم اطلع على كلام اخونا الدوسى من قبل وكان كلامى لك موجه قبل مداخلة الدوسى وتبقى كبير يا بدر بحجمك وشعرك بارك الله فيك وصدقنى قبل مشاركتى لم اجد احد رد بعدك الا انت وصادف ردى مع نزول رد اخونا الدوسى بارك الله فيكم
|
اليك يا بدر البدور عسى عمرك طويل
أنت شاعر تمتلك حرف القصيد = والوفاء والطيب يجرى فى عروقك يوم اشوفك استهل بيوم عيد = والمعانى يا بدر فنك وذوقك |
لا تعاندنــي وأنـا مانــي عـنــيد لا تبــرر لــي مداء حبك وشوقك ولا تمــد ايــدك وتقـصرها عنيد والغلـى في سوقنا والسوق سوقك |
اقتباس:
اقتباس:
يالدوسي إلي مافيه خير لهله مافيه خير لناس اتمنى تكون تفهمني وش اقصد وإلا راسلني عالخاص وأنا افهمك اذا مافهمت وليس القصد نقد وأنا عارفك تمام وأتمنى أذا كان هناك نقد يكون من ناس معروفين وأعلام لا يقبل النقد من ناس مجهولين ومن خلف الكواليس مثل مايقولون |
| الساعة الآن 11:41 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع