|
محاورة شعراء يوم الجمعه !!!
بسم الله الرحمن الرحيم الحمد لله رب العالمين والصلاة والسلام على اشرف الانبياء والمرسلين سيدنا محمد وعلى اله وصحبه وسلم اما بعد... بعد الاجتماع واخذ الراي تم اختيار اربعة شعراء للبدء في اول محاوره مساء غداً الجمعه الموافق ( 16/ 3/ 1429هـ ) ان شاء الله وهم: ..المحاوره الإستفتاحيه تجمع الشعراء.. ( الشاعر / بدر البدور -والشاعر / شاعر المعنى) ************* ( الشاعر / ابن سلمان - والشاعر / احمد مطر ) ********** وقتا سعيدا نرجوه لكم مع هؤلاء الشعراء. ****** ملاحظه : على الشعراء الاربعه المختاره أسمائهم عدم مغادرة الصفحه طوال وقت المحاوره والالتزام بالوقت من الساعة ( 09.00 مساءاً ) وحتى الساعه ( 12.00) مساءاً مع تحيات اخوكم رياض الزهراني تصفيقتصفيق |
يعطيك العافيه يا رياض
ونتمنى لجميع الشعراء التوفيق ونتمنى للجميع قضاء أفضل وأمتع الاوقات مع هذه المحاوره وتم قفل الصفحه حتى قبل الموعد المحدد بعشر دقائق وأي رد بالصفحة سيتم حذفه وهو للاطلاع فقط حتى وقت المحاورة سيتم فتحه للردود والتشجيع والمتابعة |
بسم الله الرحمن الرحيم
والصلاة والسلام على اشرف الانبياء والمرسلين سيدنا محمد وعلى اله وصحبه اجمعين وبعد الليله اول محاوره شعريه اتمنى التوفيق لجميع الشعراء المشاركين فيها نظراً لأعتذار الشاعر / علي السبيه لظروف راح يكون الشاعربدر البدور بديل عنه على أن يكون الشاعر / بدر البدور والشاعر / شاعر المعنى والشاعر/ بن سلمان والشاعر / أحمد مطر بالتوفيق إن شاء الله |
يالله يا بن سلمان عندك البدايه عسى عمرك طويل
|
مقبولة منك يابدر وتقديراً لمنتدانا الغالي سأبدأ والله يوفق
|
موجود شاعر المعنى وإلا باقي ما وصل
|
على بركة الله ابدوا انتوا الاثنين لين يجون... الباقين
|
البــــــــــــــــــــــدع
بأسم الله وبعون ربي توكلنا الآله الواحد الي سجدنا له جل شانه وأعتلى مالنا غيره والصلاة على نبي الله الهادي عد رعاد المخايل وناويها |
السلام عليكم ورحمة الله وبركاته
|
الرد
كلّ لقمه بايته ماتوكّلنا واللي محتاج(ن) من الناس جدنا له نمّن الحدان وابعد لنا غيره اتلقـّى القول بالخاطر الهادي وارمي امثال(ن) من أيام ناويها |
بيض الله وجه من كان جمعنا
عالرجوله نلتقي دوم والقاله كل رجالاً بمدحه وتقديره وغياب البعض عندي ماهو عادي واكثر العالم بعد في حراويها |
شاعر المعنى
وعليكم السلام ورحمة الله وبركاته |
بيض الله وجيهكم جميع استمروا... وانا اقترح يرد احمد مطر على الثنين الين يجي الشاعر الرابع مثل الدعوه للحفلات بعضهم مايجي الا متأخر ....
|
جاكم شاعر المعنى يالله بالتوفيق ....
|
موجود موجود شاعر المعنى يا رياض
|
الرد
انحن الي قد كسبنا وجمعنا وانحن اهل الجود والطيب والقاله كل علمن عندنا جا بتقديره مرحبا واهلين من دون ميعادي راعي القصه في البوح راويها |
مساكم الله بالخير على غير ميعاد تواجدت اليله ولقيت هذا الموضوع الغالي برجاله وبمضمونه حبيت اسلم عليكم واقول يعطيكم العافيه والله يقويكم وتقبلو محبتي واحترامي وتقديري |
توه وقف ضيف الله الغباش الزير يبدع الحين ابن سلمان
|
اقتباس:
ياسلام ياسلام |
الله يعطيكم العافية ياشعار
شرفتمونا بهذه المحاورة وان شاء الله تتكرر بوجودكم دائما يا المطليق وانتهزها فرصة بالترحيب بالشاعر الكبير ابو صالح |
البــــــــــــــــدع
يالي تبغي لك رشد وأنتصاح ابنا مجدنا حتى النوايف تحنا له وجملنا ينقل الحمله الجيره لاصبحت مابين ندره ومسنادي نحرق أكبود الاعادي ونغليها |
متابعين لابداعكم يا النشاما واصلوا واصلوا
وحنه يازير |
اقتباس:
دام عزك والله يبقيك ياصقر زهران يالمطلق يا نسل المطاليق |
بيض الله وجه من كان جمعنا عالرجوله نلتقي دوم والقاله كل رجالاً بمدحه وتقديره وغياب البعض عندي ماهو عادي واكثر العالم بعد في حراويها ووجهك ابيض ياغالي واصلو وانا اخوك وباتوفيق |
يشهد الله يابو صالح ان الفرحة ماتوصف عندما نراك بخير
فكيف بنا ونحن نراك تشاهد هذه المحاورة الرائعة اكتملت الفرحة والروعة بوجودك مع هؤلاء الشعار المتميزين |
يالي تبغي لك رشد وأنتصاح ابنا
مجدنا حتى النوايف تحنا له وجملنا ينقل الحمله الجيره لاصبحت مابين ندره ومسنادي نحرق أكبود الاعادي ونغليها ماشاء الله شقر على قمه هذي هي ميزت شعرك يا ابن سلمان... تجهز لغيرك ماشاء الله... يالله ننتظر شاعر القيف ابن مطر .. يقدر لها ولغيرها... |
واصلوا يا النشاما .. صحت السنتكم وابدانكم يا المطاليق
|
الرد :
مانسينا عشرتك وانت صاحبنا واللي يتبع خطة ابليس حنـّا له انحن اللي نغلي الجار والجيره ماهي كلمه قلتها فوق مسنادي يشهد الله كيف الابطال نغليها |
فوق صدر المعتدين الوسام احنا
والوسام اصبح تزها بـه ابدالــه مايـشــبــه أول الصــف بأخـيـره والسيوف البارعه وقت الانشادي نشتريــهــا يـــوم تـغـلى مشاريها |
محاوره ساخنه من البدايه صحت السنتكم وابدانكم ياشعار
|
|
|
الله اكبر كم عــفينا وســامحنا
مانبــدل راعي الــصدق بـبداله يمكـن الي راح واقفى لنا خيره والحبل ماينهمل وقت الانشادي والخــطل والله ماله مشــاريها |
من قدكم تستاهلون كل خير تستاهلون الوسام وغيره .... خل الهم للاحزان هههههههه... وحنا معكم قلبا وقالبا...
|
صحيح
ولكلاً من اسمه نصيب شاعر المعنى |
البـــــــــــــــــدع
الله من ذيباً ليا من عوى يدنا والله كم جلنا من أجله وصلنا له حتى لو دربه بعيداً لناسيره لو مامعنى لاجمالاً ولا أجوادي قتلته ماظن ياجي تلافيها(نتلافاها) |
الشعار الكرام
بن سلمان احمد مطر بدرالبدور شاعر المعنى صحت قلوبكم والسنتكم والله يعطيكم الف عافيه يا النشاما والله يحي الشاعر ابوصالح حضوره وتشريفه الليله يدخل في قلوبنا السعاده والفرح والله يجمل حالك يا صقرالجنوب علي التشجيع والدعم المستمر الله يوفقكم |
الرد:
الوفا والصدق دايم عوايدنا نحتمي عن كل موقف وصلنا له مابتلقى الاّ الشجاعه لنا سيره طيبنا لاهل الكرامه والاجوادي والعدا ماتاخذ الاّ تلافيها ( التلف) |
مرحبا ملايين يابوصالح حضورك يشرفنا ويسعدنا ياشيخ الشعر وحاكمه
|
| الساعة الآن 03:03 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع