|
غزل كله لجل عيون ابو أحمد
أبو أحمد الله يسلمه يقول تكفون فالغزل وقلنا ابشر بما يرضيك فانا بدعت ومن يبغى يرد الله يقويه ناخذ عليها قارعه غزلية شوووويه البـــــــــــــــــــــــدع قلبي جفاه الونس لاتحسب القلب ينسان وأنا رفعته عن أهروج العما والدينساه هيمن علي الزمن ياناس وش هيمناته الوقت يقلب حياتك يابني آدم قلبي يوفد بالاشرار وقلوب الحيا تيفداله |
ياخي عليك شقور عجيبه وتمهيد محترف صح لسانك ملايين
اسمح لي بهذا الرد المتواضع وان مااعجيك فلك حرية الحذف
الرد:علي السبيه= .= ماكنت اظن الغظي بعد الموده بينسان= وانا الذي مااحتمل هجره ولا ودي انساه= القلب لو ما تمنى الوصل وشهي مناته= حبه غدى مختلط حتى مع دم قلبي= لو راحت الروح من شانه حياتي فدى له= |
الله الله الله مبدع يشهد الله .لكن ياترى البيت الاول لو قلت في( قلبي انسان )ماكان افضل مجرد وجهة نظر يابو طلال .ولا تستعجل علي جايك الليل
|
اقتباس:
كلامك سليم يابن سلمان وانا كان قصدي اتجنب كلمة قلب ماودي اكررها وعلى العموم حصل خير ومتى وانا اتشرف بمجارتك |
البــــــــــــــــــــــــــــــدع الموت له وقتاً محدد يجي فيه وله آن محله بعلم ربي لاتقل وش محلاّه والشهد ياقبح عوده لاهتوت نيحلاته يانحل ياليتني ادري جرتك وين تحبي اخبرك بارض النماص ورحت عني تباله |
اخاف بعض ابيات الرد تفسّر تفسير مايصلح لكن كلن وضميره
الرد:علي السبيه= .= ملكني الزين بااوصافه وانا فيه ولهان= حلاّه ربي بزينه لا تقل وش محلاّه= شاقتني اوصاف زينه واهتوتني حلاته= انت الرضا وانت عمري ياالغضي وانت حبي= حتى ولو ترهق العاشق وعنّيت باله= |
الشاعر الكبير بن سلمان شكرا جزيلا على هذه الهدية وعلى الكلام الجميل والرائع والشقر المتميز صح لسانك وعلا شانك وهدية مقبولة واصلوا ابداعكم ونبغاها تكون اطول محاورة لنطلق عليها المحاورة الغزلية
|
أبو طلال شهادتي فيك معروفة فأنت خليفة إبن ثامرة كلامك ليس كلام عادي كلام شاعر كبير بكل المعاني واصلوا واصلوا انا فداكم يا المطاليق
نحن في المدرجات نشجع ونصفق |
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
|
اقتباس:
تسلم ياابواحمد واشكرك على هذا الكلام الطيب والاطراء الجميل |
الله الله محاوره رائعه من رائعين متابعين لكم فلا تحرمونا من المزيد ..وصحّت ألسنتكم يالنشامى. |
البــــــــــــــــــــــــــــدع الي صبر عالبلاوي والمصايب له اجران في جنة الخلد يتلقى سروره وونساه في قصر واسع يشوف النور في من حياته قصراً بني بالذهب وله الدرج والعتابي ويشرب الدر مايلمح لتالي جفاله |
يالربع ماحد شافلي ابن السبية لنا يومين ماشفناه والبدعه هذي مثل المعلقة لاهي مزوجة ولا مطلقه الله يعوضها بخير
|
انكان يازين تتعمد وتسعى لهجران= اول لقاء بيينا يا احبيبي ما اقدر انساه= والله لو حبك احرم صاحبك من حياته= من شان سمعتك ما اظهر لومنا والعتابي= وانكان يا سيدي قلبي تتالي الجفى له= |
الله يحييك ياصقر بجيلة وشكراً لك على هذا الرد.ولو اني القارعه بيني وبين السبية ومرورك وردك شرف لنا. ولن اعفي السبية من الرد
|
شـكــ وبارك الله فيك ـــرا لك ... لك مني أجمل تحية .
|
اعتذر عن التاخير يابن سلمان انا طال عمرك عندي جهاز الله بلخير
ياكثر اعطاله ومشاكله وانا ماغير اتنقله من محل لثاني ومحلات الكمبيوتر عندنا منتهيه مافيها الا ابويمن والا هنود وكلن اردى من الثاني وكان ودي نكتفي برد صقربجيله ولكن مادمت مااعفيتني والقارعه من اول بيني وبينك فاابشر باالرد ولو اني عارف ان رد صقربجيله وافي وردي ماراح يوصل لمستواه لكن الراي لك يابن سلمان مادام انت من بدا باالقارعه واتشرف بمجاراتك
الرد:علي السبيه= .= مدري تغلّي يصد الزين والا لهجران= اعشقه لو يلتهم كل المواعيد وان ساه= ان كان مالي حياة الزين فيمن حياته= بين المحبين مايصلح يطول العتابي= واللي يسلّم لك امره لا تتالي الجفا له= |
البـــــــــــــــــــــــــــدع قم يالسبية وخذ شاناً يجمل وعط شان قلبك يلالي وبيت الشعر يأوي لويلاه مثيل نمر الجبل لامن بدا من شفاته كلامك المشتهر مثل التمور العذابي الا عقدت الحبل ماعندي الا حلاله |
بن سلمان ،،
ماشاء الله عليك ،، راائع ومتجدد ،، صح لسانك يالنشمي على هذا الابداع،، علي السبيه،، ابدعت يالذيب كالعادة صح لسانك اتمنى الاستمرار الله يوفقكم،، |
اقتباس:
|
الرد:علي السبيه= .= بتنا مع الزين ليله وارتوى قلب عطشان= في ليلة(ن) نرجسيه واه ياويل ويلاه= اضم جيده ونهده وارتشف من شفاته= ارضيت قلبي ومن قلبه جليت العذابي= زينه ملكني وانا ماعندي الا حلاله= |
البـــــــــــــــــــــــــدع من بعد طال النخل زان التمر والبلح زان دور على أهل النخل وأن عذروا دور ارضاه(ارضه) والي معه غل خله لاتدور غلاته والمزرع الي يجي فيه التمر والحبيبي ليت الذي لامك على شوفته لام حاله (ولو ان حاله راحت لكن الشقر اجبرنا على ذلك) |
الله عليكم في هذا الجمال الشعري والقصائد المحبوكة
انا كنت اعاني من شركة الاتصالات اسبوع في البيت ماعندي نت وما كنت اتابعكم الا عن طريق المكتب فاعذرونا يالربع واخيرا انحلت المشلة وعلى الله لايزيد ينقطع كيبل بحري ثاني قولوا آمين |
امين يابواحمد ومشكور على مرورك الكريم
وانت صح لسانك وعلى شانك يابن سلمان
الرد:علي السبيه= .= عسى وليّ الغضي يبلا فواده باالاحزان= وانا علىّ اقصد المزيون وادور ارضاه= من لا يدوّر غلاتك لا تدوّر غلاته= مايرخص الغالي الا للوفي والحبيبي= وموعد الزين لازم نوصله لا محاله= |
طيب طيب يابو طلال صح لسانك
|
البــــــــــــــــــــــــــدع خزاين المال فيها بوب وتصد قفلان المال مثل الذهب ويترجم الماس معناه ماريد غير الذهب ماعاد ابرضى سواته(مارضى بسواه) وانا دمي مثل عطر الورد يعطي شذاً بي والقلب ماكلمه بختي ولا هيرجاله |
الرد:علي السبيه= .= لا تستمع هرج من علاّن وتصدق افلان= ابنقتل الحب لو هرج العواذل سمعناه= وعاذل اهل المحبه كيف برضى سواته= ياصاحبي من هروج اهل العذل ويش ذنبي= ماهي موده من العاذل ولاهي رجاله= |
اقتباس:
صح بدنك ياابواحمد |
صح لسانك ياخييييييييييييي .على ان البيت الي قبل الاخير ماهو راضي يركب معي وانت برضه رحت كثير عن هذا البيت انا اقول (ويعطي شذاً بي)اقصد شذا الورد.أعتقد ان المفروض انك تقول(ويش ذنبي) لكن لعل لك مأرب اخرى الله واعلم.هذه بدعة وأبعتبرها الاخيرة ولا تنسى تراها موجهه غزل واذا ودك ننهيها واذا ماودك ماعندي مانع لوتبغى نواصلها لاحول اليله لاتقل ذليت ولا كليت ههههههه البــــــــــــــــــــــــــــدع يازارع البلسن أفزع وين أبلقى البولسان(حب البلسن) الغيث مبطي علينا والموارد منشفاه والي تعشم تبخت من ورى عيشماته ياهل الردا والحسد ماعاد فيكم مثوبي واديكم أظلم نهاره والبلا شيرزاله |
ماتضحت لي الرؤيا في البيت اللي علقت عليه كان كتبته
بهذا الشكل(شذن بي) على شان افهمه ترى فهمي ثقيل وعلى كل حال انا عدلت القصيده وعسى التعديل يعجبك وخذني من قيس المعرفه طال عمرك وان ودك تواصل في هذه القارعه فاانا حاضر وانت ماضن تكله ولا تمله وعيني عليك بارده ويشرفني ويسعدني مجاراتك
الرد:علي السبيه= .= من غيرك يحيي ربيع الحب في القلب لو سان= لو مايشافيه ياسيدي وصالك من اشفاه= نرد كيد العذول وكل راعي شماته= جرح العواذل خطر مايستره كم ثوبي= لا تفتن الحب ياعاذل بلاشي رزاله= |
علي يعجبني فيك صاحب اجابه دبلماسية (تقول اذا ودك تواصل انا حاضر) مثل من يتحدى بس بطريقة غير مباشره هههههههههه.وثانياً انت استاذ ومنك نتعلم الحقيقة.وانا اتكلم عن نفسي اذا رديت على القصايد الموجهه احب انظر للكلمتين الاخيره من الشطر لعل البادع شاقر كلمه من كلكتين ويبغاني اربطها سوى مثل بيت في قصيده سابقه في هذه المشاركة انا اقول(وش محلاه اقصد وش محله) المفروض الرد يكون (الوشم حلاه)وبكل امانه انك رديت عليه رد جميل لكن هذا توضيح وضرب مثل فقط.وفي اخر بدعه انا اقول (القى البولسان) اعتقد لو انك قلت(قلب ولسان )كان افضل.مادري الخطا مني اني اكتبها بطريقة انت ماتفهمها ولا منك ماتركز صح.على كل حال هذا كلام لا يفسد للود قضية واذا ماتعلمنا من بعض ماحد بيجي يعلمنا.الشعر ممارسة.وبكل صراحة وامانة انا من اشد المعجبين بقصائدك خاصة في الرد واعتبرك من افضل الشعار الي قصدة معهم في منتديات او غيرها يشهد الله وانا اعتبر نفسي اقل اولائك ومنهم اتعلم.ماعليش كثرت الكلام وبكل صراحة اذا ان انتقادي يزعجك بكل امانه تقلي لاني ماودي اضايق احد وانا ماعتبر نفسي الامن طلابك يابو طلال والله يحفظك. البــــــــــــــــــــــــــــدع لقيتلي بادوي راكب على العود سمحان علق قلاده على حلقه من الماس محناه وقلت لي شور قال ان كان لك شور هاته وقلت دام الجمل ماقد عصى عالمربي لجل ايش غيرك يابو بدوه يغربل جماله |
ما قلت لك ان فهمي ثقيل وشاعريتي محدوده اما التحدي فلاني من اهله
انا قصدي نستخرج الدرر الثمينه في بدوعك ولو ان ردودي ماراح تكون على مافي خاطرك لكن اقبل منا الميسور واعذرنا على القصور
الرد:علي السبيه= .= الحب مايصلح الا في تراضي وسمحان= واللي يفرق قلوب اهل الهوى ما سمحناه= ماهي لنا ضحكة الشامت ولا شورهاته= نحكم على اللي نرى والغيب في علم ربي= والزين ياصاحبي ماحد بينكر جماله= |
صح السانك بن سلمان
وصح لسان ابو طلال |
اولا الف مبروك على حصولكم على لقب افضل عضو وافضل اداري وحصول القارعة على افضل موضوع بالمنتدى
ثانيا شعار مثلكم لانملك الا الوقوف لهم احتراما وتقديرا مدارس متميزة في الشعر وامتعتمونا في قصائدكم حقيقة فصحت السنتكم وتعافت ابدانكم ملايين يا المطاليق يشهد الله انها من اجمل المحاورات اللي تنعش القلب وترجع الشايب شباب بقيت الاختلاف في الشقور بن سلمان انت شاعر كبير حقيقة لكن طريقة الكتابة بالتنوين تجعل الشخص لايقرأ البيت كما يجب وكما اردته انت ليكمل اللي يرد حسب طلبك في ردك وهذا مايحصل من الاختلاف هذا ما احببت ان اوضحه فقط ما اقول ان طريقتك خطأ لكن ما اقصده لكي يفهم الشاعر الكلمة كما ينبغي طبعا اختيار الموضوع كافضل موضوع وهو بكل امانة يستحق يحتم عليكم رجاءنا بان تكملوا القارعة والمحاورة وان تمتعونا لان الجميع الان سيمر من هنا للنظر في افضل موضوع بالمنتدى تقبلوا تحياتي ومحبتي وشكري الجزيل |
اقتباس:
هذه شهادة وتقدير نستعز به وماخدمنا الا منتدانا المفضل يشهد الله.وثانياً يابو احمد الخلاف فالشقور شي طبيعي ومن شاعر مثل علي لايغير شي فالقصيده او فالرد لانه شاعر متمكن للامانه.ومن ناحية الكتابه لاعتقد انها تغير بذيك الدرجة اذا قرات البيت صح تستنبط منه المطلوب هذه وجهة نظري |
البـــــــــــــــــــــــــــــــــدع لي حول شهرين دوب اولف القاف ولفان والقلب رجه عظيم الشر والموت رجاه مثل الذي راح يبغى الصيد والصيد فاته ارمي في الناس ذا نخطي وهذا نصيبي حتى المقهوي على مابي حرمني دلاله |
|
خوفتني منك يابن سلمان سرت ارد اكثر من رد لعلي القا رد
يليق بذائقتك الشعريه ويوفي حق البدع حتى اتجنب النقد
الرد:علي السبيه= .= عسى يجود الزمن واوالف الزين ولفان= الله ياكم لي ارقب موعده واترجاه= مانابني منه ميعاده ولا صيدفاته= على الاماني يعشّمني وهذا نصيبي= الجادل اللي على مابي حرمني دلاله= |
[CENTER]
اقتباس:
اشكرك جزيل الشكر ياابوحمد على مرورك الكريم واضافتك الرائعه واشكرك واشكر الاداره بمن فيها لختياري افضل عضو واختيار هذه الموضوع افضل موضوع وهذا يعتبر كرم وجود من ادارة المنتدى وهذا ماعودتنا عليه دائم والفضل في اختيار هذه القارعه كاافضل موضوع يرجع للشاعر بن سلمان صاحب البدوع المحكومه فلولا جودة البدوع ماكان لردي اي معنى |
اقتباس:
حىالله بن درعان وملايين مرحبا وصح بدنك طال عمرك ونشكر لك مرورك الكريم على هذه الصفحه المتواضعه |
| الساعة الآن 03:41 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع