|
احذر خدمة شامل من الاتصالات السعودية
[web]http://www.stc.com.sa/cws/portal/ar/individual/ind-internet/ind-int-start/ind-intr-str-intrntathome/ind-intr-str-intrhm-dslshm[/web] |
الف شكر ياصقرالجنوب
والله ماانسى صديق لي عندما تهجم على ال902 وذلك لصدور فاتورته بمبلغ 4000ريال علمآ انه مشترك في واحد ميغا ولايستخدمه كثير للأسف مشاكل الإتصالات والتحايل الحاصل من موضفيها فاحت رائحته شكرآ لك على تحذيرك وتقبل تحياتي |
اخوي ممكن توضح لأن الجدول فقط يوضح أسعار اجور الاشتراك الشهري مع اجور التأسيس فقط ولا يوضح اجور التحميل كما ذكرت !!!
|
اقتباس:
|
اقتباس:
هذا هو المعتمد لديهم أخي الحبيب وعذرا فهي غير موضحة في البيان ويمكن الاستفسار من 902 لكنهم يغرون الناس بالشامل بسبب ( الموديوم المجاني والتركيب ) طيب ما اروح اشتري موديوم بـ 300 ريال وانتهى وبلاش ادفع لهم 1400 ريال .. ومن لديه المزيد من المعلومات الرجاء ان يقوم بإضافتها مطابق او مخالف لما سبق فالاهم مصلحة المتصفح اولا واخيرا |
والله نصابين نمره واستماره كنت مشترك فقط في دي اس ال واجيب بطاقة اول نت كله ماتكلفني بالشهر 200 ريال قلت خليني احطه شامل وارتاح وليتني استرحت في شهر واحد جاتني فاتوره بــ 890 ومن يومها فصلته الله لايعيدهم ولايعيد مودهم ويفكنا منهم متى يصير في شركه منافسه للارضي زي الجوال لا وازيدكم من الشعر بيت تدرون ليش ماعاد تجي في فاتورة الجوال الرسائل لانهم يزيدون بكل خط قيمة رسالتين والا ثلاث عاد وش دراك انك ارسلت بالشهرين 100 والا 103 رسائل ماحد يدقق وهم فرصتهم الله يعينا عليهم هالنصابين
|
السلام عليكم
يا شباب موبايلي اطلقت خدمة برودباند وهو عبارة عن جهاز مودم فقط بدون خط هاتف اشتراك 6 اشهر + جهاز المودم مجانا ولا يحتاج خط هاتف بـ 1600 ريال شامل يعني ما تحتاج اشتراك مع مزود نت ولا اشتراك هاتف وتشيل معك الجهاز لأي مكان فيه شبكة موبايلي وخط كهرباء والسرعه ممكن توصل الى 2 جيجا بايت حسب موقعك وقوة الشبكة فيه . يعني يكون اشتراكك الشهري 267 ريال فقط لاغير ولك تجربة لمدة ثلاثة ايام اذا ما اعجبك لأي سبب استرجع نقودك طبعا فيه اشتراك شهر بـ 499 ريال واشتراك 3 أشهر واشتراك سنه بـ 3000 ريال اعتقد يستاهل التجربة ونشوف ارائكم بعد كذا تحياتي للجميع ابو شهد |
يااخوان اتصلو على مزود الالخدمة وعدل الاشتلراك
|
السلام عليكم ورحمة الله وبركاته
جزاكم الله كل خير وفعلا كلام صحيح يعطيكم العافيه |
شـكــ وبارك الله فيك ـــرا لك ... لك مني أجمل تحية .
فعلا هذي الاتصالات ومشاكلها... ولك مني تحية صقر الجنوب... دائما متألق.. ونصيحة لكم.. بلا اتصالات بلا هم.. موبايلي وبس...انا مجربها.. والله ما تندموا لو تجربوها |
شكر لك صقر الجنوب على المعلومات الجيدة وبارك الله فيك
تحياتي لك اخوك عذب المشاعر |
انا صار معي زي كذا وعندما اعترضت على الفاتوره اتضح لي بان رسم الأشتراك الشهري يدفع مقدماً وكانت التفاصل بأن 300 رسوم تاسيس Dsl و600 رسوم اشتراك Dsl لمدة شهرين تدفع مقدماً ورسوم خدمه ومكالمات 400 وصار المجموع 1300 فكانت صدمة لي في بادء الأمر .
فإذا فيه احد غير مقتنع بفاتورته من حقه يعترض على ذلك ويحصل على توضيح مفصل ومقنع او يصحح الخطاء ان حصل ...... ولكم تحياتي . |
شكرا لكل من شارك في الموضوع فقد اثريتم الموضوع واتفقنا جميعا بالغاء خدمة الشامل فهي نصب في نصب عيانا بيانا
|
الحقيقة اني جربت الخدمة وهي سئة بالفعل وتم الغاء خدمة شامل ( الدمار الشامل)
وبعد مشاكل حيث ان الفاتورة جتني دبل 600 ريال وان متعود انها ماتزيد عن 300 ريال المهم رفضو انهم يعتدلونها بحجج كثيرة ان النظام مايقبل التعديل او انهم مابيدهم شي اجل ليه حاطين موظفين المهم واللي انصح به اي متضرر من اي شركة اتصالات سواء خلافات مالية او غيره يرسل شكوى الى هيئة الاتصالات وتقنية المعلومات وراح تحصل تجاوب باسرع مايمكن http://www.citc.gov.sa/citcportal/Co...D/Default.aspx |
بارك الله فيك اخي الحبيب
اعجبني لقب ( الدمار الشامل ) والله لصدقت فيهم [web]http://www.citc.gov.sa/citcportal/Complains/tabid/136/cmspid/%7B66A4EEFD-982A-4117-921D-71FFD2A49C21%7D/Default.aspx[/web] |
الله يوفقك
اخبارك حلوووووه لاعدمناك |
الاتصالات نصب في نصب انا مشترك مع نسما ب40 ريال والان 20 ريال شهريا كذلك ماخفي اعظم فواتير الجوال ما تلاحظون عليها الزيادات الغير مبرره الان تركتهم واتجهت الي موبايلي وريحت راسي من هروجهم الكذابه اهربوا وما فات فات وجربوا نسما اوغيرها هذا من حيث الاتصال بالدي سي ال اما الاتصال الجوال موبايلي وانا المسئول عن كلامي هذا والله خير الشاهدين |
مشكور للأخوة الذين شاركوا في الموضوع
بالنسبة لي انا مشترك في آفاق شامل 256 و الفاتورة في الشهر تجي 149 ريال يعني في الشهرين 298 ريال من غير المكالمات و الاتصال من افضل ما يكون و لم ارى ما يشتكي منه الكثير ممن اجتمع بهم و كنت مركب المودم تبع الانصالات و كان ممتاز ومن ثم تسلط عليه الولد الله يهديه و انكسر و غيرت (بالاسبيد تتش) و انواع العلل |
الاتصالات نصب في نصب انا مشترك مع نسما ب40 ريال والان 20 ريال شهريا
كلام جميل وننصح الجميع بذلك شوفوا 20 ريال بارك الله فيك اخي الحبيب |
اقتباس:
ويبارك فيك اخي الحبيب |
اقتباس:
يمكن انت واحد في المليون اللي باقي ماصادوك لا تستعجل بيجيك الدور تحياتي واحترامي |
الله يستر بس
لاحول ولا قوة الا بالله |
يعطيك العافية صقر الجنوب ع الموضوع الجرئ
خليني اذكر لك تجربتي معهم: انا كنت مشترك اشتراك دي اس ال عادي والبطاقات عليا فترة سنتين وكانت الفاتورة لا تتجاوز بالكثير 300 ريال ولكن قلت ليش ما اجرب عرضهم ...وفعلا كلمت 902 وطلبت يحول اشتركي الى شامل بسرعة 256 وفعلاا تم التحويل ولما جيت اتصفح الانترانت ما يتصفح وكل يوم انا ودعم الفني (902) فيه مشاكل مرة يقولون الشبكة ومرة ومرة..يعني نصب في نصب والمشكلة فوق هذا كلها اني ما استفتدت شئ من الاشتراك يعني شهر ع الفاضي لا يفتح صفحات انترانت ولا يفتح البرريد ولا شئ بس( لايمكن العثور على المقلم) والغيتها منهم وجاتني الفاتورة 950 ريال ؟؟ رغم ان التلفون فقط يستقبل وع الانترانت فقط يعني ليش هذا النصب كله ياstc |
الله يعين الكل
والله الاتصالات صايره تاكل بالناس ولاحد رادعها انا لله بس |
أخوي عزوز مع أحترامي
رقم الدعم 907 للهاتف الثابت و 902 لدعم الجوال و انا معاك حقين الدعم ما عندهم ما عند جدتي ما غير افصل المودم و بنسوي تحديث للبورت هذا من غير التعليقه على التلفون وشكرا أخوي صقر على الرد و ان شاءالله ان الدور ما يلحقنا او يتجاوزونا و شكلك ما زلت متأثر من سرى الوايتات ايام الإجازة |
دمشوول شوف 902 ما اتعامل معهم الحمد الله (الله يخلي موبيلي)
<< لا تقولون يسوي دعاية لكن هم مشاكلهم قليلة بالمقارنة مع الاتصالات السعودية بس اول ما تنزل اي اتصالات هاتف ثابت بس شركة غير stc راح اشترك معهم والله ما غير نصب ع العالم..ولو اكتبلك عن معناتي الي صارة معهم يمكن ما تكفي هالصفحة ولا يمكن عشر صفحات لكن تشكي مين ولمين؟؟ وبالنـسبة الى اني امسك سرى الوايتات في الاجازة فهذي نفتح لها موضوع جديد مع صقر الجنوب الله يعطيك العافية دمشوول..وما نبغى نقلب موجعنا هنا..!! |
اقتباس:
|
السلام عليكم ورحمة الله وبركاته اخواني الاعزاء . كيفكم وش اخباركم ان شاء الله تكونون بخير . وش هذا التهجم الجارح على شركة الاتصالات السعوديه . لاحظ / الاتصالات السعوديه / اي انها سعوديه ودخلها يعود على السعوديه وعل المواطن / لها مساعي حسنه في كفالة الايتام وبناء المستوصفات في القرى والهجر . وماذا قدمت موبايلي او غيرها من الشركات للوطن ولا شي . نهب المواطن وترحيل الاموالا خارج البلاد .مثل شركة ارامكو . تبرعت ب40مليون دولار لأمريكاء لضحايا الاعصار . ولم تقديم شي .للمنكوبين عندنا نتيجة السيول . او غيرها . انا لاانكر ان عندهم بعض الخدمات السيئه . وذالك لعدم وجود فنيين اكفاء للعمل في هذا المجال . dsl > لان الخدمه حديثه عليهم ولم يلقو العاملون على هذه الخدمة التدريب الكافي . الي عنده خدمة الg3 تعمل ياخذ خدمة / وايرلس / بشتراك شهري 299ريال وسرعة من 1 الي 7 قيقا.. ومدم مجانا وبدن توصيله بالكهرباء لاسلكي. ومتنقل معاك في جميع المدن / ولا اشتراك في مزود خدمه ولا هم . وانا مجربه شغال معي في جميع المدن /الي فيها الجيل الثالث / ولكم مني اجمل التحيه ... |
اقتباس:
حياك الله يافيصل اولاً/ شركة الاتصالات ليست سعودية بل هي شركة مختلطة واذا ماعندك خبر ان السعودة عندهم بالمقلوب يسرحون السعوديين من العمل وجايبين اجانب حتى في المبيعات وفيه نظام من مكتب العمل يمنع تشغيل غير السعودي في المبيعات بس الظاهر ماينطبق عليهم. ثانياً/ تقول الشركة تكفل ايتام وتبني مستوصفات في الهجر والقرى نسمع جعجعة ولا نرى طحن وين الايتام اللي كفلتهم وكم عددهم؟ ووين المستوصفات اللي بنتها ياليت تذكر موقع لمستوصف بنته شركة الانفصالات . وموبايلي او زين توهم جدد بالسوق لكن هذي الشركة اقدم بالسرقة واكبر في السن وفي الميزانية وشركة ارامكوا يوم عوضت الامريكان لان المتضررين جيران مصافيها في امريكا واغلبهم شغال في نفس الشركة ومصالح وخدمة الجيل الثالث لم تشتغل بشكل كامل في بعض مدن المملكة ومنها الباحة وش ذنبنا انهم مايأهلون موظفيهم وعندهم أمكانيات تعادل 10شركات مثل موبايلي خدمة dsl تقول انها جديدة كيف جديدة عليهم طيب اللي اقل منهم افضل بالف مرة منهم مثل اول نت او نسما واللي تقدر الشركة تسوي 100شركة مثل نسما او اول نت . |
شـكــ وبارك الله فيك ـــرا لك ... لك مني أجمل تحية .
|
مشكور اخي الكريم على التحذير
جزاك الله خيراً فعلاً ناس كثير تذمروا من هذه الخدمة لما يلحقها من مبالغ طائلة |
موضوع قديم
وووووووووووووووووووووووو ياليت ينحذف الاتصالات الحين ما تدور وراك التفون عندنا له 10 اشهر ولا جت فاتوره واذا فاتوره كبيره طلع باسم اي واحد من البيت وروح |
| الساعة الآن 12:04 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع
