|
جوالي انسرق
ياابوصالح انا جوالي انسرق سرقه واحد غبي لان الجهاز لو باعه ماجاب له عشره اريال ماهلا ضيع عليه الارقام اللي فيه وحبيت ارثي جوالي بهذه القصيده وودي تشرفني باالرد عليه ولو اني عارف انها لاترقى الى مستواك البدع
انا جوالي انسرق من شخص متمرس على مكر= ماسرقه الا جبان ومختبي في ذلٍته وامكاره= قلبك ياراع الخيانه يرتقف من علمك اروقف= وانحن ماندري عن اصحاب الخيانه والغدر والمكري= الذي قلبه يدوّر للخيانه والمكر يدور= والحرامي منهجه غادر وفي طبعه يدور المكرا= آهل المكر الذي بين البشر تسعى بمكرها= |
والله يابو طلال لي الشرف بالرد عليك واقبل مني الميسور الذي لا يرتقي الى روعة بدعك.
يزعج الزراع حـال الغـرب اذا مـرس علـى مكـر= ما يفكر غير في هوشه وزرعـه لاضمـي وامكـاره = ينحطـم غربـه بقـاع البيـر لام(ن) المكـر وقـف = وان سلم من طيحت القف والرشاء سواه فوق المكري = وانقذه ربـي واعانـه ليـن ذاكـاي المكـر يـدور = ينجلي همـه ويصـدح بالغنـا لمـا يـدور المكـرا = وارشيـة سوقـه تضلـي غايـره تسعـى بمكرهـا = |
باالهنا والعافيه ومطرح مايسري يمري
|
ههههههههههههههههههههههههههههههه الله الله يابو طلال صح لسانك وابشر بالعوض وانا اخوك ماعندك الا حلالك ابو صالح بعد المرقوق بيجيب لنا علم يحت النصب عاشت روسكم يالنشاما اخوكم الصهيبي |
والحرامي منهجه غادر وفي طبعـه يـدور المكـرا
آهل المكر الـذي بيـن البشـر تسعـى بمكرهـا صح لسانك يابو طلال ملايين وما سرق الجوال الا دني وانت يابو صالح الله يجعله مع لذيذ العفى |
الله يعوظ عليك ياعلي الحسافه على الا رقام
الا الجهاز بتشتري الله يستر اخاف يجي يوم نمشي بسلاح من كثر قطاع الطرق |
صح لسانك على القصيده
والله يعوض عليك في جوالك تقبل مروري وفائق احترامي اخوك ابو نايف |
طيب طيب هذا بدع يابو طلال على قارعتكم اتمنى ان تشرفني بالرد عليه واقراه بقلبك ا
البدع / الصهيبي= اخوكياعلي بعض البشر ينحون للثيب وابوا بكر= عندهم ترجح موازين الفنى يوم ارخصوا ببكاره= لابدى كف البكار يميل حظه يوم ماله كف= عندهم عشق القديم يفوق عشق المبتدي والبكري= حتى في مسرى الليالي شرعهم ماحلل البكور= بكرهم تكبر وتركب مركب الكبر الكريب البكرا= افتني في ذا الديار اللي مقابرها للبكرها= الصهيبي |
مرحبا مليون باالصديق الغايب الحاضر الصهيبي وصح لسانك ملايين على هذا البدع الرائع وانا اتشرف بردي على قصايدك ياصهيبي ولوان معرفتي على قد حالي ولكن اعذرني ان حصل في ردي قصور الرد
اكره ماللشيعي المنبوذ الى قلت اسم ابوبكر= اترك الكار الخبيث اللي من احقاده يصوبب كاره= واللي ماله وجه يبدي به مع العربان ماله كف= ياصهيبي لاتظن الحصن مثل العُشّه والا البكري= واللي يسكن في القصور الشامخه ماحل للبكور= ماابترى عينك دروبك ياصهيبي دام ماقلبك را= اخبر ان الشعر بك ترجح موازينه وبك رها= |
الله الله الله يالصهيبي في ذا البدع الداهيه صح لسانك انت وابو طلال
|
اقتباس:
صح بدنك والصهيبي استاذ في نضم القصايد وانا اتشرف ارد على قصيده من قصايده ومنه اتعلم واستفيد |
انا لله انا لله انا لله صح لسانك يابو طلال الين ترضى وعلى راسي والله والشرف لي وانا اخوك فأنت شرف لكل متمعرف يجاريك ووده يتعلم ويرتوي من نهلك العذب لك صادق محبتي واحترامي اخوك الصهيبي |
شاعر المعنى ولو اني كرهت هذا الاسم من برنامج الكذاب هذا عموماً شرفني مرورك وكلام على راسي ووسام على صدري اخوك الصهيبي |
ابو طلال والصهيبي وكل الاخوان الذين مرو على هذا المتصفح يعطيكم الف الف الف عافيه وعذراً على عدم التواصل المستمر لعطل الدي اس ال عندي ولا زال عطلان عندي وعموماً صحت السنتكم يا ملوك الشعر يابو طلال ويا الصهيبي وشرف عبير لابو صالح يسجل حضوره في متصفح يحمل اسمأكم الكريمه تقبل كل الاحترام والتقدير. |
الله يرد لك جوالك ياعلي هههههههههههه ما قصرت ابداع
|
صحت الالسن والا فكار
|
منين اخترجتم هذه الصفحه كملها وكمل الدنيا وعلى كل حال
سبق وكتبت قصيده على طرق الجبل في جوالي المسروق والله لا يسامح من سرقه وهذه هي القصيده: اللي سرق جوالي الله يقطع ايده ويحجز الدم في وريده والا تصيبه صاعقه من هاالصواعق حن تصيبه مات شاهق والا يدب الشر في عضمه دبيبا مايفيده من طبيبا ويموت بين الناس موته جاهليه ماله ايّة قابيله وبعدها في البر يرما مايكفن لين ماجسمه يعفن وينهشه سبع الخلا وكلاب تعوي وعليه الطير تهوي والى بعث يوم القيامه يدخل النار وتكون له دار واقرار من قال ميده يسرق جوال السبيه |
والله يابو طلال لجاك رد على شفك
سامح اللي سر ق جوالك حشمت ذا الرد |
اقتباس:
وعلى كل حال مرورك تتويج للقصيده وصاحبها |
| الساعة الآن 04:57 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع