|
مرحباً تراحـيـب السيل أخي الغالي شايب العشرين والله يحـيـيـك معنا في الرحلة وغالي والطلب رخيص ، وإنت ما تمنـيـت إلاّ الكهلة ماحية شكلك تحب الغـلـف ، لو كان تمنـيـت الكهلة مزنة على الأقل تـبـيـع قرّاص أحسن من راعيت الـغـلـف ، يا الله النفس وما تهوى بس الله يعـيـنـك على الحموضة بتحرق صدرك من أكل الغلف ، أما بالنسبة لقيادة الباص فالظاهر أن الأخ الغالي ملك الليل قد سبقـك عليها إلاّ إذا كان بــيـتـنازل لك عنها فهو كريم وإنت تستاهل ، لكن عندنا شرط إذا توليت القياة أن تكون كهـلـتـك راعيت الغلف مع كهلتي والحريم في مؤخرة الباص لا ندري بك تقول أبغى كلهتي جنبي لأننا خائفين تسحرك بجمالها ودلالها وضحكتها الساحرة وكل ما حان الله منك تـلـتـفـت تطالع فيها وتـنسى الباص ثم تـزقـيـنا من إحدى الجروف ونروح طعام للطيور الكاسرة . دمت في صحة وسعادة وحفظك الباري . |
اخذت لي غفوه في الباص اوووف وقرقر فوق راسي طير حلحال ابى يسكت وابى يرقد ههههه ههههه الله يسعدك ياطير حلحال واصل قرقره على شان السواق مايرقد ههههه ابو بتال مراح نفكك معنا يعني معنا نبي منك تشوي لنا مقلللللقل وتلعب معنا محاورات بشعر الكسره لعببب ابو فيصل المنتظر الله يحييك تراحيب الغلا شرفت ونورت هيا عطنا من سوالفك نتسلى بها ابو يزن معنا ياسلام سلم عز الله اكتملت وياليت المجاهد يجي يطير عنك النوم ههههه لؤلؤه وين البنات مايجون والا منحاشين من الطبخ قولي لهم لاتخافون في الكشتات الرجال فنانين خاصه في المقلقل ههههه ههههه |
السلام عليكم ورحمه الله وبركاته أهلا وسهلا أخواني وأخواتي الكراام حياكم الله جميعا اسعدنا حضوركم وتشريفكم العطر في هذه اللحظات العطره من يوم الاربعاء ليلة الخميس 03/04/1434 هـ 13 فبراير 2013 م الساعه 2 صباحا نعلن للجميع اعضاء وزوار منتدى رباع العلم والثقافه عن موعد مغادرة باص الوناسه الى مكان الرحله والذي اخترته لكم واتمنى ان يعجبكم اختياري رحلتنا ستكون بمشئة الله الى احد دول شرق أسيا وبالتحديد اأندونيسيا , حيث سنقضي برفتكم جميعا أسعد الاوقات وامتعها اليكم معلومات تلخيصية عن إندونيسيا العاصمة جاكارتا الكثافة السكانية 198,055,000 مليون نسمة - إحصائيات 2002 المساحة 1,904,570 مليون كيلومتر مربع العملة الربيه الإندونيسية فتح الخط الدولي +62 فارق التوقيت عن جرينيتش 7 ساعة/ساعات حجم الدولة مقارنة بالعالم 1.4781 % بالمئة من حجم العالم حجم الدولة مقارنة بقارة آسيا 3.9324 % بالمئة من حجم القارة الكثافة السكانية مقارنة بالعالم 3.4202 % بالمئة من تعداد سكان العالم الكثافة السكانية مقارنة بقارة آسيا 5.3233 % بالمئة من تعداد سكان القارة وبعد هذه المعلومات وانتم تستقلون الباص نترككم مع هذا الفاصل |
وااااااااااااو يالولو فديت قلبك احلى ررحله
متابعين |
مرشدنا السياحي ماقصر بذل مجهود يشكر عليه خاصه مع بعض الاعضاء اللي يخافون من الحيوانات والطيور ومنهم كهلة طير حلحال الله يحفظها عطلتنا كثير وسببت لنا العديد من الاحراجات اول مره تدخل مثل هالاماكن وتشوف مثل هالانواع من الحيوانات والطيور كان صوت صياحها واستغاثاتها يرعب الماره والمتواجدين بالمنتزه مما دعنا الى اخذها جانبا وبعد تهددئتها عادت معنا وهي جدا منزعجه ومتذمره وهي تهدد وتتوعد بستخدام شونها دون رحمه او رأفه بأحد الله يعيننا انا اللي توهقت فيها مالي الا الصبر طيب احنا ليه كنا شارطين ممنوع اصطحاب الكهيل مو عشان مثل هالمواقف هذا وحنا لسى في بداية الرحله كيف بعدين وش يصير الله يستر زين شيبتي الى حد الان ساكته جنيته ههههههه نواصل معاكم الرحله هذا مرشدنا السياحي http://upload.v22v.net/uploads/2012-...77_178_339.JPG الاعضاء جدا مبسوطين وفالينها يأكلون الطيور http://upload.v22v.net/uploads/2012-...85_924_118.JPG ما اقصد شيبتي >>>>>>ياشين بعض الشيبان نشبه الا يبي يركب على ظهر الفيل ياشيبة الجن ريح نفسك يازين الموت في ديرتك وبين ربعك ههههههههه تكفون انتبوا لابو جمعان لا يقرب من التمساح اعرفه بيسوي فيها شجاع هههههه ياربي ياحليل الكهيل ياشين الغيره على كبر ههههههههه http://upload.v22v.net/uploads/2012-...71_507_564.JPG ماشاء الله الصبايا مبسوطات ياويلي ويلاه وين شيبتي ماشوفه دوروا معاي لا يضيع http://upload.v22v.net/uploads/2012-...47_259_358.JPG ابشركم لقيت شيبتي وهو مع ليل الوعد فالينها في المنتزه مدري وش اخرت الصحبه تابعوهم معاي هههههه هااااه وش رايكم اختيار رائع لاماكن مميزه بجمالها الساحر |
اقتباس:
ياهلا وغلا ياهموسه وينك تكفين مالي غيرك وهقت نفسي اقسم نفسي مره اراقب واتابع شيبتي ومره اعاون واساعد كهلة طير حلحال وشايله هم الاعضاء ماودي يحسوا بملل او يتضايقوا تكفين قدمي لهم واجب الضيافه المشروبات البارده والساخنه ولا اقووول لك خل كل شئ عليه فكيني من كهلة طير حلحال اللي ماندري وينه ماصدق يفتك منها لا ويقول عشرة عمر ورفيقة دربي والله انها مجرد سوالف ههههه الحين استراحه لكم جميعا للفرفشه والتعليق على مكان الرحله ومع المواقف اللي صدافتكم اثناء التجوال في المنتزه تفضلوا |
دعاء السفر : الله أكبر ، الله أكبر ، الله أكبر ، سبحان الذي سخّـر لنا هذا وما كُـنا له مُقرنـيـن ، وإنا إلى ربـنا لـمنـقـلـبـون ، اللهم إنا نسألك في سفرنا هذا البر والتقوى ، ومن العمل ما ترضى ، اللهم هوّن علـيـنا سفرنا هذا واطوي عنا بُعده ، اللهم أنت الصاحب في السفر ، والخليفة في الأهل ، اللهم إنا نعوذ بك من وعثاء السفر ، وكآبة المنظر ، وسوء الـمنقـلـب في المال والأهل أختي الفاضلة لؤلؤة زهران جزاك الله خيراً على هذا المجهود الـجـبّـار نـغـبـطـك ولا نـحسدك وعـيـونـنا عليك باردة ونِـعـم الإخـتـيار لأندونيسيا بلد الجمال والطبيعة الخلابة بلد الجزر التي تزيد عن 3000 جزيرة لـتـكـون محط رحالـنـا في رحلـتـنا الميمونة وخصوصاً أن إقامـتـنا ستكون في الجبل الأخضر جبل الطـبـيـعة الخلابة والجمال الرباني ، راجياً من الله أن يكون جميع أعضاءالرحلة في أتم الصحة والعافية ، وحقيقة أنا ودي أفصح لكم عن سر كاتمه في قـلبـي من سنـيـن طويلة ولكن الله الله كهلـتي لا تدري بالسر فـتحط فيكم صِرمة تـتحدث عنها الصحف والقنوات الأندونيسية ، فأنا حقيقة صار بـيـنـي وبـيـن شغالة كانت تشتغـل عندنا قصة حب جارف لا يوازيه إلاّ حب قيس وليلى ويمكن يزيد عليه حـبـتـيـن ويعلم الله كان حب عذري نقي لا يشوبه شائبة وليس فيه شئ يغضب الله ، المهم ما أطول عليكم سافرت شغالة الجن وتركـتـني أقاسي جروحي وعذابي وآهاتي وقالت لي : شوف بابا إنت يحب أنا صحيح من قلب هذا عنوان بيت حق أنا في إندونيسيا إنت يجي أندونيسيا يخطب أنا من بابا ، وحقيقة كم كانت فرحتي غامرة عندما علمت أن رحلتنا الميمونة ستكون وجهتها لأندونيسيا فمثل ما يقولوا حجة وقضاء حاجة ، فأنا اليوم الخميس إن شاء الله مسافر على بلد الـمحـبـوب وهو بعيد بالمرة عن مقر سكـنـنا حسب ما فهمته من بعض الأندونيسيـيـن هنا ، وسيكون السفر عن طريق البحر من قارب في قارب حتى أصل لبلد المحـبـوب والله المستـعـان ، ولكن يجب على من يحب أن يُـضحي فأنا بأركب الـبحر وأتعرّض لأمواجه العاتـيـة ومخاطـرة الـكـثـيـرة من أجل عـيـون شُـرحة الـقـلـب ( رحيمة ) وهي صحيح على إسمها رحيمة ، صحيح إن سنونها كُـشـر ومتراكبة بعضها فوق بعض لكن الحب يُـغـطّـي على كل عيوب الـحـبـيـب وبأحاول أنـني أسوي لها عملية تجميل أسنان هنا في إندونيسيا وإلا إذا رجعت الرياض إن شاء الله ، فأنا سأغـيـب عـنكم يوماً كاملاً أو أكثر ، فإن كان إنني لقيتها لا زالت على قيد الحياة وما تكون راحت في فيضانات تسونامي فالظاهر إنـني بأربّـع معها وإنـتـم كمّلوا رحلتكم والله الله في كهلتي لا ترضوا فيها وحطوها في عيونكم ولا أحد يـجـيـب لها سيرة عن هذا الموضوع فـتـروح من بـيـن أيديكم أو ترتـكـب فيكم جريمة شنعاء ، وإذا رجعتم الرياض إن شاء الله خـلّـيـها تسكن معكم يا لؤلؤة حتى وأرجع من شهر العسل وإنـتـبـهـي لها من شـيـبـتـك لأنها حسينة اللون دعجاء الـعـيـنـيـن ، وإن كان إنـني لـقـيـت رحيمة راحت في أحداث تسونامي فأنا بكرة الجمعة إن شاء الله عندكم في الجـبـل الأخضر ، بس الله الله كهلتي لا تدري فــتـنـكّـد عـلـيّـة وعليكم عـيـشـتـنـا في الرحلة والله يستر لا ترتكب جريمة بحقي أو بحق أحد الأعضاء لو عرفت بالموضوع . هياااااا عـقـبـتـني علـيـكـم العافـيـة ،،، دمتم جميعاً في صحة وعافية وحفظكم الباري من كل شر . |
اقتباس:
هههههههههه هلابك ياقلبي شوفي لولو من ناحيه الشغل بسساعدك وطير حلحال هذا بالذاات خليه عليا سمعت اشااعه تقول طلع يحب الرجااال مو شا اي حب حب اندونسي بعد بطلع يعوونه بالرحله يااني بكررفه كررف لان ماسكين عليه مسكه محتررمه ههههه بااقي ملك الليل يعترف يمكن تطلع له شغاله زمااان حبها وسحبت عليه ههه |
لله ما أعطى وله ما أخذ وكل شئ عنده بمقدار إنا لله وإنا إليه راجعون . أحبتي أعضاء الرحلة الكرام ، أسعد الله أوقاتكم بكل خير وبعد : ها أنا قد عدت إليكم من رحلتي إلى ديار الحبيبة رحمها الله بعد أن كانت رحلة شاقة تخللها كثير من المخاطر والصعاب والمغامرات فقد وصلت إلى ديار الحبيبة الله يرحمها الله ويسكنها فسيح جناته بعد جهد جهيد وسألت عن بـيـتها فأخبروني أن البيت بمن فيه قد راحوا جميعاً في فيضانات تسونامي ولم يـبـقى من العائلة أحد بما فيهم الحـبـيـبة ( رحيمة ) رحمها الله رحمة واسعة ، ولكن بشروني عن كهلتي ما حست بفرقاي أو سألت عني في غـيـبـتي ؟ والحمد لله أن الأمور أنـتهـت على هذا الحال ورجعت لكهلتي رفيقة دربي وشرحة خاطري وحشاشة جوفي واللي ما أشوف الشمس تشرق إلا من بـيـن عيونها ، وأطلب منكم أن تخلّوا الأمور سكتم بكتم ولا من شاف ولا من درى حتى تـنـتـهي هذه الرحلة على خير لأن كهلتي لو حست باللي صار بتعفس الرحلة فوق تحت والله يستر ، وهنا أوجه كلمتي للأخت الفاضلة همسة شوق وأقول لها أنا عند الله ثم عندك واستري ما واجهتي وكهلتي لا تحس بالخبر وعفا الله عما سلف وكل إبن آدم خطّاء وخير الخطائين التوابون والقلب لحمة ماهو صخر وهذه شماغي وعقالي عندك إنك تـقـفّـلـي على الموضوع وترحمي عزيز قومٍ ذل وإبشري بما يرضيك . دمتم جميعاً في صحة وسعادة وحفظكم الباري . |
| الساعة الآن 01:46 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع