|
المعذره ياإخوان على الإطاله كنت في سَفرَه خاطفه إلى الباحه ولاوصلت إلاّ البارح أما بخصوص بدعك ياأخي عبد الله على راسي وابشر بالرد ولكن اسمحلي بعد الرد أبغى أبدع ونبدأ قارعه جديده ونستمرّ مع الإخوان إذا ماكان في مانع .........
الرد:
لاعادك الله ياجرح الشقا يوم حبيت= جرح ٍ قديم ٍ وطال الوقت ماجاله طبيب= ياهيل كثر الجفا زوّد على القلب سمّاه= لو كان تطلب حياتي قلت لك من عيوني= |
صح لسانك واعتلا شانك ..
وبيض الله وجهك يالنشمي .. و أما البدع فأنا لي الشرف أني أتحاور مع شاعر مثلك وتفضل بالبدع طال عمرك .. |
الله يحيي الجميع والله يسعدك ياأخي عبد الله ويرفع قدرك وأنا ودّي تردّ عليّ و يكمّل معنا أبو طلال وزهران إذا ماعندهم مانع وانا ماصدقت أبو طلال يقرّ لنا خلنا ناخذ ونعطي معه إلين الله يفرجها :
البدع:
يابو طلال احسبك منـّا وفينا= موظف ٍ كحيان مثلي وغلبان= أثار لك صحبه وعندك علاقات= واثار عندك واسطه مالها حد= مثل السيوف الحدب والجورحيّه= |
محاورة راائعه من شعار كبار،،
تابعت كل القصائد ، واحببت ان اسجل اعجابي تقبلو مروري |
حياك الله اخوي عبد الله يحيى
وننتظر الإخوان تحياااااااااتي |
صح لسانك يا بن مطر وتقبل منا الميسور ..
[table1="width:95%;"] | [/table1] الـــرد/ ياللي تهدوا العهد حنـا وفيـنــا و آنا على راس التحدي و غلبان هبيت لأهل الضيم وسم وعلاقات وسيوفكم يأهل الردى ما لها حـد يوم القتال .الأرض والجو رحيّه |
ايام ربي روحت بالسنينا= ما ودنا ناهب حواجز وحدان= معي هجوس فوق صدري ولامات= لاصار بعض الناس لا شاب يلحد= باراقب الرماي والحظ رميه= |
الرد:علي السبيه= .= سكينة الرعيان ماهي سنينا= مثلّمه ماهي شبيّه وحدّان= من تطعنه ما بان جرحه ولا مات= ماهي كما السيف الذي شابي الحد= والا سواة الخنجر الحضرميه= |
الله الله الله
البدع:
السالفه ماروّحت من يدينا= لكن بلشنا بالسبيه وزهران= أعرف علومي ماتولّف ولافات= أبدع على المرسوم في العلم وآرد= والرمي مايخطي مع بوارديه= |
صحت ألسنتكم
ومتابعين لكم بيض الله هالوجيه الطيبة |
| الساعة الآن 12:31 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع