|
الموج
المبدع صحت قلوبكم مروركم زادنا شرف تحياتي ابو شهد |
ابو فيصل صح بدنك وسامحني على التاخير
ترى منهم كثير ولا حسّب للشعب والاوطان=يقول الرب انا والرب عالي في سمواته تحرر يا عرب مره وكن لو كان بالإمكان=مثل تونس وثورتها على الطاغي وعلاته ابو شهد |
حياك الله يابو شهد ومن جا ما ابطى ...بس كلمة سياته راحت ...لكن مافي مشكله الدعوى سوالف...تحيــــــــــــــــة
رد ابوفيصل عقاب اللي لمس بيده على بيت اخطر الحُنشان يـنـال الـسُـمّ يـسـري فـي دمْـه يـنـسـف كُريّاته وووردوووردووورد يـلـيـت الـلّـي ظـلـم نفسه وغيره تاب مالعدوان والا يـالـيـت مـظـلـوم الـعــرب يـاخـذ بـثـاراتـه |
هلا وغيرنها ولا تزعل يا بو فيصل
استلم ثلاث ايام وانا انطر رفيقي يفتح الدكان=لكنه ما لقي مفتاح دكانه وخزناته صبرنا والصبر بلوه وعله في بعَض الاحيان=صبرنا صبر ايوب النبي في مر بلواته ابو شهد |
ما هنا زعل يابو شهد والله لا يجيبه بيننا يالنشمي ....
رد ابوفيصل ثلاث ايام يبحث لك ويجمع لك من الحُبّان خـيـار الـحـبّ يـتـخـيّـر ويـتـنـقّـى حُبيباته وصبر الادمي طيِّب ويحذر لقصة الديبان ويـسـلـم زلّـة الـسـانـه ويـربح كُلّ غاياته |
الله يعطيكم العافيه ياسلام عليكم ... صحت السنتكم يالنشاما ولكم التقدير والاحترام من اخوكم البرق اللامع
|
هلا وغلا فيك يابو بدر
على راسي والله ابو شهد |
طيب يابو فيصل طيب وهذا مافيه شك
انا مزعّلك يالغالي ولو شفتك علي زعلان=كتاب المزح بيدينك تفضل شق صفحاته انا ودي تحاورني ونبحر داخل الخلجان=ولا تحسب حساب البحر وامواجه وهوجاته ابو شهد |
حياك الله يابو بدر وصح بدنك يالنشمي ..شكراً لمرورك وإشادتك .
أستلم يابو شهد والله يجمّلنا معك ... رد ابوفيصل عـلاجـي ضـحكة الطيّب بلا خوخ ٍ ولا رمان ولا نـزعـل عـلى الطيّب ولو كثرة مزوحاته وانا ببحر معك وآغوص للولو مع المرجان بـبـحـر الـهـنـد نتجوّل ونسبح في محيطاته |
طيب
تعال نروح نتمشى ونتخاوى على جيزان=نمر فيفا ونتنقا حلاة العود من قاته واذا ودك نكملها على سوق اليمن عمران=ونقضي من محاصيله ومن تحفات صناعاته ابو شهد |
| الساعة الآن 03:22 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع