البدع من اللبيدي=

.=
يالعريفي ترى بعض الحكومات قالوا القدس مات=
وإن مليار مسلم تايهٌ ذا الزمان الله وكيله=
من فتاوي كثيرة قام كلٌ يقول الشيخ أنا=
وغدت دولة الأسلام متقسمة شيعه وسنه=
وأصبح للسنة قومية وراية وجا للشيعة قوم=
وأصبح كلٌ يقول الدين عندي وانا أصح المذاهب=
وإنّ غيره من الكفار لو ما يوافق مذهبه=
العلماني وهو ما يعرف الله ولا يدرى عقابه=
قام يفتي ويتنصح عشان الدول ترضى عليه=
أصبحت راية الأسلام بين السياسي والحرامي=
اللي من فاز ينساها ومن ينهزم تاجر بها=

الرد:علي السبيه=
.=
لا يتبطّر على النعمه الذي دايمن يلق ادسمات=
وشفوف الخلايق تختلف كل زادن له وكيله=
واما بعض الخلايق تاخذ ارزاقها من شي خنا=
والشيخ اللي تجلاّ عادي الزاد والله مايسنه=
يشرب امن المياه المعدنيه ويشرب شي عقوم=
لا تسيم الخناجر عند راع السيوف اللي مذاهب=
ما للخنجر ولا قيمه بجنب السيوف المذهبه=
والصُدر يتلف اللي لا مضى منه مايدرى عقابه=
اترك من ضيّعه رشده ولا عاد تنشد ضاع ليه=
ما تقبل حجة اللي مابينوي ولا شد الحرامي=
اخلص النيه واعمالك على قدرها تاجر بها=