يا بو نسب أنته ومثلك وشرواك = أشري صداقتهم بحالي ومالـي
ياقل من مثلـك وياقـل حليـاك = نادر وجودك بالوفـا والكمالـي
من مثلك افرح به فرح كأنه إياك = ومن مثلك أعزه وله قدر عالـي
أهلاً هـلا يامرحبابـك وحيـاك = أهلاً هلا بك.. يا عزيزٍ وغالـي
هذا أمير الشوق يسعـد برؤيـاك = ويشرفه صحبة كريم الرجالـي

زودت هم القلـب يـا بـادع القـاف = وذكرتني ذكرىبـدت بـأول الصيـف
ذكرتني يا همس فـي زاهـي أوصـاف = اللي سلب عقلـي بزيـن التواصيـف
ياهمس قلبـي صايـر اليـوم مزهـاف = وانت على المركب تحـث المجاديـف
يفـز قلبـي لاسمـع ذكـر مصطـاف = ينبـش جـروحٍ جددتهـا الصواديـف
حب النقاء معروف مـع كـل عـراف = حب الشرف ماهوب حـب التخاريـف
في ما مضى ياهمس أناكنـت ميـلاف = واليوم تًضحكنـي عجايـب مواليـف
اليوم بعـض الحـب ياهمس ينعـاف = لاصار نايف بـاح بالسـر لـمنيـف
وربي خلق خلقه على اشكال واصناف = فيهـم سديـد الـراي فيهـم ملاقيـف